He Yang
He Yang (1983-yil 23-fevralda Tianjinda tugʻilgan) — Xitoy terma jamoasining sobiq futbolchisi.
Klubdagi faoliyati
He Yang 2002-yilgi liga mavsumida „Tianjin Teda“ yoshlar jamoasini tugatgan boʻlsa-da, u 2003-yilgi liga mavsumigacha oʻn uchta liga oʻyinida qatnashib, asosiy jamoaga kirish uchun kurash olib borgan. Koʻpincha oʻz faoliyati davomida zahiradan maydonga tushgan, shu sababdan oʻzini koʻrsata olmagan, shunga qaramay, u 2008-yilgi ligada kattalar jamoasidan butunlay chetlashtirilganida ham „Tianjin“da qolgan. 2009-yilgi liga mavsumi boshlanganda markaziy himoyachi Van Syao jarohat olgan va murabbiy Zuo Shusheng darhol He Yangni uning oʻrniga jamoaga qaytargan va jamoada oʻzini koʻrsatish uchun yana bir imkoniyat berilgan. He Yang berilgan imkoniyatdan unumli foydalanib jamoaning ajralmas aʼzosi sifatida oʻzini koʻrsatgan. U debyut golini 2009-yil 16-mayda „ Shanhai Shenhua“ga qarshi oʻyinda kiritgan. Ari Haan yangi murabbiy sifatida jamoaga kelganida, He Yang jamoaning ajralmas qismi boʻlib qolgan va Tianjinga 2010-yilgi Xitoy Superligasi mavsumida ikkinchi oʻrinni egallashiga yordam bergan.
2015-yilning 11-fevralida u Xitoyning birinchi ligasi vakili Qingdao Jonunga oʻtgan. Ikki mavsumdan soʻng u 2017-yil 14-yanvarda Zhejiang Yiteng vakiliga aylangan. Buning ortidan 2018-yilgi Xitoy Chempionlar Ligasi mavsumida toʻrtinchi divizion vakili Chengdu Better City klubiga oʻtgan va u klubning ketma-ket yuqori divizionlarga koʻtarilishida ajralmas rol oʻynagan. 2020-yilgi Xitoy 1-ligasi mavsumi oxirida uning Chengdu bilan shartnomasi tugagan. 2021-yil 24-fevralda u professional futboldagi faoliyatini yakunlaganini eʼlon qilgan.
Xalqaro faoliyati
He Yang terma jamoasidagi debyutini 2009-yilning 1-iyunida Eronga qarshi oʻrtoqlik oʻyinida oʻtkazgan va oʻng qanot himoyachisi sifatida maydonga tushgan. Keyin u 2010-yilgi Sharqiy Osiyo futbol chempionatida gʻolib chiqqan jamoa tarkibga kiritilgan, ammo birorta oʻyinda maydonga tushmagan.
Faoliyat statistikasi
Klub statistikasi
Yutuqlar
Klub
Tianjin Teda FC Mamlakat
Manbalar
uz.wikipedia.org