Hazrat Umar masjidi

Hazret Umar masjidi yoki Hazret Umar metjidi – Turkmanistonning Ashxobod shahrining Parahat-7 mikrorayonida joylashgan. Masjid bir vaqtning oʻzida 3000 tagacha namozxonni qabul qilishi mumkin.

Tarixi

Masjid Prezident Gurbanguli Berdimuhamedovning farmoniga koʻra Xoja Ahmet Yassavy diniy tashkilotining buyrugʻi bilan Aga Gurluşyk qurilish kompaniyasi tomonidan bunyod etiladi.

Masjidning ochilish marosimi 2018-yil 26-sentabrda boʻlib oʻtadi.

Arxitekturasi

Masjidning umumiy maydoni 13,000 m (140,000 kv. ft) boʻlib, markaziy gumbazning masjid poydevoridan balandligi 40 m (130 ft)ga teng, kichik gumbazlari 23 m (75 ft). Bino burchaklaridagi toʻrtta minoraning balandligi poydevori bilan birgalikda 63 m (207 ft)ni tashkil etadi.

Masjidning ichki qismini bezashda marmar, granit, qimmatbaho yogʻoch turlaridan foydalanilgan. Masjidning dizaynida Qur’on suralarini oʻz ichiga olgan naqshinkor epigrafika alohida oʻrin tutadi. Bunday yozuvlar, shuningdek, masjidning oq marmar jabhalariga ham oʻyib ishlangan.

Masjidning namoz oʻqiladigan zali bir vaqtning oʻzida 3000 kishini oʻzida sigʻdira oladi. Zalning yuqori qismi ayollarning namoz oʻqishi uchun moʻljallangan.

Masjid hududida, shuningdek, sadaqa berish va turli marosimlar oʻtkazish uchun maxsus bino hamda avtoturargoh mavjud.

Manbalar

Havolalar

uz.wikipedia.org