Hassan Al-Haydos
Hassan Khalid Hassan Al-Haydos (talaffuzi: Hassan Xolid Hassan Al-Haydos) (1990-yil 11-dekabrda tugʻilgan) — qatarlik professional futbolchi. Hassan Al-Haydos „Al Sadd“ futbol klubi va Qatar milliy futbol terma jamoasida hujumchi sifatida oʻynaydi.
Klublardagi oʻyin faoliyati
Hassan Al-Haydos sakkiz yoshida „Al Sadd“ futbol klubining yoshlar jamoasida futbol oʻynay boshladi. Hassan Al-Haydos oʻn yetti yoshida asosiy jamoa safiga qoʻshildi. Bu vaqtda „Al Sadd“ futbol klubining bosh murabbiyi Jafal Rashed Al-Kuwari boʻlgan edi.
Hassan Al-Haydos klub safida 2011-yilgi Osiyo Chempionlar ligasi doirasida „Jeonbuk“ futbol klubiga qarshi oʻyinda maydonga tushgan edi. Ushbu oʻyinda „Al Sadd“ futbol klubi Hassan Al-Haydosning penaltidan urgan goli hisobiga gʻalaba qozondi. Gʻalaba „Al Sadd“ futbol klubining Osiyo vakili sifatida Klublar oʻrtasidagi jahon chempionatiga yoʻl olishini taʼminladi.
Hassan Al-Haydos Doha stadionida oʻtkazilgan soʻrovnomada 2014-yilgi „Eng yaxshi Qatar futbolchisi“ deb topildi.
Xalqaro oʻyinlardagi faoliyati
Hassan Al-Haydos 2007-yilda Qatar olimpiada terma jamoasi safida 2008-yilgi yozgi Olimpiada oʻyinlari saralash bosqichi doirasida Yaponiya milliy futbol terma jamoasiga qarshi kechgan uchrashuvda zaxiradan maydonga tushib, jamoasiga 2:1 hisobida gʻalaba qozonishga yordam berdi. Hassan Al-Haydos musobaqaning yana ikkita oʻyinida maydonga tushdi. Ularning biri Saudiya Arabistoni milliy futbol terma jamoasiga qarshi, ikkinchisi esa Vyetnam milliy futbol terma jamoasiga qarshi oʻyinda edi. Shuningdek, Hassan Al-Haydos 2012-yilgi yozgi Olimpiada oʻyinlari saralashi bosqichida Qatar milliy futbol terma jamoasining sardori sifatida maydonga tushgan va dastlabki bosqichda Hindiston milliy futbol terma jamoasi darvozasiga gol urgan.edi. Hassan Al-Haydos ushbu uchrashuvda „O‘yinning eng yaxshi odami“ sovrinini qo‘lga kiritdi.
Hassan Al-Haydos Qatar milliy futbol terma jamoasi safida 2008-yilning 10-sentyabrida Bahrayn milliy futbol terma jamoasiga qarshi 2010-yilgi Jahon chempionati saralash bahsida maydonga tushdi. Oʻshandan beri Hassan Al-Haydos Qatar milliy futbol terma jamoasi bilan 146 ta oʻyin oʻtkazdi. Bu oʻyinlarda Hassan Al-Haydos 32 ta gol urishga muvaffaq boʻldi. Bu koʻrsatkich Hassan Al-Haydosni Qatar milliy futbol terma jamoasi tarixidagi eng koʻp oʻyin oʻtkazgan futbolchiga hamda Muhammed Salem Al-Enazi bilan birgalikda toʻrtinchi oʻrindagi eng koʻp gol urgan futbolchiga aylantirdi.
Faoliyat statistikasi
Klub
Xalqaro
Yana qarang
Manbalar
uz.wikipedia.org