Haris Duljević
Haris Duljević (talaffuzi: Xaris Dulevich; 1993-yil 16-noyabrda tugʻilgan) — bosniyalik professional futbolchi, 2.Bundesliga klubi Hansa Rostock va Bosniya va Gersegovina terma jamoasida yarim himoyachi.
Duljević professional faoliyatini NK Čelik Zenicada boshlagan. 2011-yilda Olimpicga qoʻshilgan. Uch yildan soʻng Sarajevoga oʻtdi. 2017-yilda Dresdenning „Dynamo“siga oʻtdi. Ikki yil oʻtgach, Duljević Nîmes Olympiquega qoʻshildi. 2021-yilda Hansa Rostock bilan shartnoma imzoladi.
Duljević 2016-yilda Bosniya va Gersegovina terma jamoasidagi debyutini oʻtkazgan va shundan keyin 20 dan ortiq oʻyinda maydonga tushdi.
Klublardagi faoliyati
Ilk faoliyati
Duljević 2009-yilda mahalliy „Olimpic“ klubining yoshlar tarkibiga qoʻshilgan. 2011-yil 10-aprelda 17 yoshida NK Čelik Zenica jamoasida professional debyut qilgan.
2012-yil mart oyida Olimpicga qaytdi. 2013-yilning 6-aprelida FK Velež Mostar darvozasiga birinchi professional golini kiritdi.
Sarajevo
2014-yilning aprelida Duljević 3 yillik shartnoma asosida Sarajevoga oʻtdi. 17-iyul kuni UEFA Yevropa ligasi saralash doirasida „Haugesund“ga qarshi oʻyinda jamoa safida debyut qildi. 7-avgust kuni Sarajevodagi birinchi golini Atromitos darvozasiga kiritdi. Oradan 3 kun oʻtib, chempionatdagi debyutini „Borac Banja Luka“ga qarshi oʻtkazdi va gol urishga muvaffaq boʻldi. 2014—2015-yilgi mavsum soʻnggida liga chempioni boʻlishgan.
Noyabr oyida Duljević jamoa sardori etib tayinlandi.
Dynamo Dresden
2017-yilning avgustida Duljević Germaniyaning „Dynamo Dresden“ jamoasi bilan uch yillik shartnoma imzoladi. Klubdagi debyutini 27-avgust kuni VfL Bochumga qarshi oʻtkazdi. 27-noyabr kuni Dresdenning „Dynamo“ jamoasidagi birinchi golini „Fortuna Düsseldorf“ga kiritdi, jamoa gʻalaba qozondi.
Nimes
2019-yil iyul oyida Duljević nomaʼlum toʻlov evaziga „Nimes“ jamoasiga oʻtdi. 11-avgust kuni „PSG“ga qarshi oʻyinda rasman debyut qildi.
Hansa Rostock
Sentyabr oyida Duljević ikki yillik shartnoma asosida FC Hansa Rostockga oʻtdi. 25-sentabr kuni „Schalke 04“ga qarshi oʻyinda debyut qildi.
Xalqaro faoliyati
Duljević Vlado Jagodić boshchiligida 21 yoshgacha boʻlgan Bosniya va Gersegovina terma jamoasi aʼzosi boʻlgan.
2016-yilning mart oyida Lyuksemburg va Shveysariyaga qarshi oʻrtoqlik oʻyinlariga ilk marta chaqiruv oldi. 25-mart kuni Lyuksemburgga qarshi oʻyinda debyut qildi.
2018-yilning 8-sentabrida Shimoliy Irlandiyaga qarshi UEFA Millatlar ligasining 2018—2019-yilgi oʻyinida Duljević terma jamoadagi birinchi golini urdi.
Shaxsiy hayoti
Duljević 2019-yil iyul oyida uzoq yillik sevgilisi Saraga uylandi. Ularning ikkita farzandi bor: Uma ismli qizi va Džan ismli oʻgʻli.
Faoliyat statistikasi
12-noyabr, 2022-yilgi holat boʻyicha[23]
Xalqaro
26-sentyabr, 2022-yilgi holat boʻyicha[24]
Ballar va natijalar birinchi boʻlib Bosniya va Gersegovinaning gollari roʻyxatini koʻrsatadi, ballar ustuni Duljevićning har bir golidan keyin hisobni koʻrsatadi.
Yutuqlari
Sarajevo Manbalar
uz.wikipedia.org