Hanna Ljungberg
Hanna Carolina Ljungberg (1979-yil 8-yanvarda tugʻilgan) — shvetsiyalik sobiq futbolchi, hujumchi ampulasida oʻynagan. U Umeå IK klubida va Shvetsiya terma jamoasida toʻp surgan. U 1996-yil 6-fevralda 17 yoshida Shvetsiya terma jamoasi safida debyut qilgan, oʻshanda Shvetsiya Ispaniya terma jamoasini 8:0 hisobida magʻlubiyatga uchratgan.
Ljungbergni Sveriges Televideniyesining 2013-yildagi Boshqa sport" hujjatli teleserialida koʻrish mumkin.
Karyerasi
Hanna Ljungberg Shvetsiya ayollar ligasi Damallsvenskanning professional futbolchilaridan biri edi. U 2002-yilda Shvetsiyada yilning eng yaxshi futbolchisi sifatida tan olindi va olmos toʻpini (Diamantbollen) yutib olgan. Shuningdek, u oʻsha mavsumda 39 ta gol (har bir oʻyinda taxminan 1,78 gol) bilan rekord oʻrnatgan.. Ljungberg Umeå IK safida jami 227 ta oʻyin oʻtkazgan va 196 ta gol urgan.
Ljungberg jahon darajasidagi forvard sifatida 2003-yilda AQShda boʻlib oʻtgan ayollar oʻrtasidagi Jahon chempionatida tanildi. Ikkinchi oʻrinni egallagan Shvetsiya terma jamoasida muhim rol oʻynadi va uchta gol urdi hamda yana bir golga assistentlik qildi. U shuningdek, 2003-yilda FIFA tomonidan yilning eng yaxshi uchinchi oʻyinchisi deb topildi. 2014-yilning oktyabrigacha Lotta Shelindan oʻzib ketgan Ljungberg 72 ta gol bilan Shvetsiya terma jamoasining toʻpurarlar roʻyhatida yetakchilikni qoʻliga oldi. 2002-03-yilgi UEFA ayollar kubogida Ljungberg 10 ta gol bilan turnirning eng yaxshi toʻpurari boʻlgan. Italiyaning Perudja erkaklar futbol klubi Ljungberg bilan bogʻlanib, uni A Seriya jamoasi roʻyxatiga qoʻshib uni ijaraga oldi, ammo kelishuv bekor qilindi.
Ljungberg 2007-yil 17-may kuni Umeå IK jamoasi uchun Shvetsiya kubogida AIKga qarshi oʻyinda Karola Söbergning 70-daqiqada jarohat olganligi sababli darvozabon sifatida birinchi va soʻngi oʻyinini oʻtkazgan. U oʻyinni golsiz, toza yakunlagan. Ljungbergning Shvetsiyadagi shon-shuhrati Shvetsiya futbol assotsiatsiyasining 100 yilligi munosabati bilan uning va boshqa bir qancha shvetsiyalik futbolchilarning esdalik markalariga sabab boʻldi.
2009-yil avgust oyida Ljungberg kuni 5-iyul liga oʻyinida tizzasidan olgan jarohatidan soʻng futboldan ketishini eʼlon qildi. Bundan oldinroq 2004-yilda jarrohlik amaliyoti oʻtkazilgan oʻng old xoch ligamenti yana qisman yirtilgan va u shifokorlari bilan oʻynashni davom ettirish doimiy nogironlikni vujudga keltirish xavfi juda yuqori degan qarorga kelgan.
Ljungberg ikki yil davomida Umeå IK bosh murabbiyi Yoakim Blomkvist va murabbiy yordamchisi Mariya Bergkvistga eski jamoasiga murabbiylik qilishda yordam berdi.Ljungberg bir vaqtning oʻzida Umea universitetida fizioterapevt boʻlish uchun tahsil olgan va 2012-yil iyun oyida uni tamomlagan. Keyin u shaxsiy murabbiy sifatida yangi karerasini boshladi.
Jahon kubogi va Olimpiya turnirlarida kiritilgan gollar
Faxrlar
Klub
Umeå Chempion (7): 2000, 2001, 2002, 2005, 2006, 2007, 2008
Chempion (4): 2001, 2002, 2003, 2007
Ikkinchi oʻrin (2): 2005, 2006
Chempion (2): 2007, 2008
Ikkinchi oʻrin (1): 2009-yil
Chempion (1): 2003-yil
Ikkinchi oʻrin (3): 2002, 2007, 2008
Xalqaro
Shvetsiya Ikkinchi oʻrin (1): 2003-yil
Chempion (1): 2001-yil
Shaxsiy yutuqlar
2004–05
2001–02 (39 gol)
Uchinchi oʻrin: 2002–03
Manbalar
uz.wikipedia.org