Hanifa Nurillayevna Murodova
Hanifa Nurillayevna Murodova (1919.22.10, Kattaqoʻrgʻon shahri) — xirurg, Oʻzbekistonda xizmat koʻrsatgan fan arbobi (1969); tibbiyot fanlari doktori (1964), professor (1966). 2-Moskva tibbiyot institutini tugatgach (1943), harbiy vrach (1943—46), 1-Moskva tibbiyot institutida ordinator (1946—49), MXRda Choybalsan nomidagi institut xirurgiya kafedrasida oʻqituvchi, ayni vaqtda kasalxona xirurgi (1953-56), SSSR Tibbiyot Fanlar akademiyasi Yuraktomir kasalliklari ilmiy tadqiqot institutida ilmiy xodim (1956—63), Toshkent vrachlar malakasini oshirish instituti 1-xirurgiya kafedrasi mudiri (1964—80). Ilmiy ishlari turli xirurgik kasalliklarni, xususan, surunkali koronar yetishmovchilikni xirurgik usulda davolash muammolariga bagʻishlangan. MXRning "Qutb yulduzi" ordeni bilan mukofotlangan.
Manbalar
uz.wikipedia.org