Hami Mandıralı
Hami Mandirali (1968-yil 20-iyulda tugʻilgan) — turkiyalik futbol murabbiyi va sobiq futbolchisi. U deyarli butun faoliyati davomida „Trabzonspor“da oʻynagan.
Klubdagi faoliyati
Mandirali Turkiyaning Trabzon shahrida tugʻilgan. 10 yoshida Trabzonsporga qoʻshilgan va 1985-yilda 17 yoshida professional debyutini boshlagan. U tezda oʻz davrining eng kuchli yarim himoyachilaridan biri sifatida oʻzini namoyon qilgan. U Turkiya terma jamoasining doimiy oʻyinchisiga aylangan va har doim toʻpurarlar jadvalida birinchi oʻrinda boʻlgan. Mandirali yevrokuboklarda koʻplab gollar urib, oʻz mavqeyini koʻrsatib kelgan. U Yevrokuboklarda jami hisobda 23 ta gol urgan.
Mandirali, ayniqsa, oʻzining jarima zarbalari bilan mashhur boʻlgan, faoliyati davomida koʻp marotaba jarima zarbasidan gollar urgan. U jarima zarbalarini tepish sanʼatida oʻzining mashhur hamkasblari kabi toʻpni aylantirib tepishga urinmagan. Buning oʻrniga u zambarakdek zarbalar bergan ular jonli devorning ochiq qolib ketgan joylari orqali oʻtib ketgan va darvozabonlar bu holatda xech qanday yordam bera olmagan. Shu tarzda uning uslubi Roberto Karlosga qiyoslanardi.
U juda kuchli zarbaga ega boʻlib, uning zarbasi tezligi 140 km/soat tezlikdan baland boʻlgan. 1997-yilda San-Marino terma jamoasiga qarshi jarima zarbasi va Myunxen 1860ga qarshi maydon markazidan turib bergan zarbasi golga aylangan, keyinchalik bu zarbalarning tezligi ajablanarli darajada kuchli yaʼni 173 km/soatdan ortiqligi aniqlangan. U uzoq masofalardan, hatto 40 metrdan ham koʻp marta gol muallifiga aylangan.
1998-yilda u Germaniyaning „Schalke 04“ klubiga 7 million DM (3,5 million yevro) evaziga qoʻshilgan, ammo u yerda atigi bir yil oʻynagan. U 1999—2000-yilgi mavsumda 2,25 million yevro evaziga „Trabzonspor“ga qaytgan. Qaytgandan soʻng u eng yaxshi zarbalar boʻyicha oʻz oʻrnini tiklagan va har mavsumni doimiy ravishda klubning eng yaxshi toʻpurari sifatida yakunlagan. 2002-yilda uni rais Özkan Sümer jamoadan isteʼfoga chiqargan. Klubdan ketgacj Mandirali Ankaragücüga koʻchib oʻtgan, lekin u yerda uzoq qolmagan. Koʻp oʻtmay u nafaqaga chiqgan. Mandirali hech qachon liga chempionligini qoʻlga kiritmagan.
Xalqaro maydondagi gollar
Murabbiylik faoliyati
2008-yilning 1-iyulida Mandirali Turkiyaning 21 yoshgacha boʻlgan terma jamoasiga ikki yillik shartnoma boʻyicha murabbiy etib tayinlangan.
Yutuqlar
Jamoaviy yutuqlar
Klub
Trabzonspor Manbalar
uz.wikipedia.org