Hachirōgata, Akita
Hachirōgata (yaponcha: 八郎潟町 Hachirōgata-machi?) Yaponiyaning Akita perfekturasida joylashgan shaharchadir. 2020-yil 1-fevral holatiga koʻra, shaharchada 2465 ta xonadonda 5749 nafar aholi istiqomat qilgan, aholi zichligi esa 1 km² ga 340 kishidan toʻgʻri keladi. Umumiy maydoni 17,00 kvadrat kilometr (6,56 mi²) ni tashkil etadi. Bu Akita prefekturasidagi eng kichik munitsipalitetdir.
Geografiyasi
Hachirōgata Akita prefekturasining shimoli-sharqidagi qirgʻoq tekisligida joylashgan boʻlib, shahar gʻarbida Hachirōgata koʻli qoldiqlari oʻrin egallagan. Hachirōgata koʻli 1957-yildan 1977-yilgacha melioratsiya loyihasi sababli quritilguniga qadar Yaponiyadagi ikkinchi yirik koʻl boʻlgan.
Qoʻshni munitsipalitetlar
Demografiyasi
Yaponiya aholini roʻyxatga olish maʼlumotlariga koʻra, Hachirōgata aholisi soni taxminan 1950-yilda eng yuqori choʻqqiga chiqqan va oʻshandan beri doimiy ravishda pasayib bormoqda.
Iqlimi
Hachirōgata nam kontinental iqlimga ega (Köppen iqlim tasnifi Cfa), katta mavsumiy harorat farqlari kuzatiladi, issiqdan issiq (va koʻpincha nam) yoz va sovuq (baʼzan qattiq sovuq) qish fasli mazkur hudud iqlimiga xos. Yogʻingarchilik yil davomida sezilarli boʻlsa-da, lekin avgustdan oktyabrgacha eng kuchli darajasi kuzatilgan. Hachirōgatada oʻrtacha yillik harorat 11,1 °C ni tashkil etadi. Yillik oʻrtacha yogʻin miqdori 1612 mm boʻlib, sentyabr esa eng seryogʻin oy hisoblanadi. Avgustda eng yuqori harorat 24,8 °C, eng past harorat esa yanvarda, −1,0 °C atrofida boʻladi.
Tarixi
Hozirgi Hachirōgata hududi Edo davrida Tokugava syogunati ostidagi Kubota domenini boshqargan Satake urugʻi tomonidan boshqarilgan, shaharcha qadimgi Deva viloyatining bir qismi boʻlgan. Omogata qishlogʻi 1889-yilda zamonaviy munitsipalitetlar tizimining oʻrnatilishi bilan tashkil etilgan, 1925-yilda Hitoichi shaharchasiga asos solingan. Ikkalasi 1956-yilda birlashib, Hachirōgata shahrini tashkil etgan. Shaharni qoʻshni Godjome va Ikava bilan birlashtirishga urinishlar 2005-yilda referendum saylovidan oʻta olmagan.
Iqtisodiyoti
Hachirōgata iqtisodiyoti qishloq xoʻjaligiga asoslangan.
Taʼlim tizimi
Hachirōgata shahrida bitta davlat boshlangʻich maktabi va shahar hukumati tomonidan boshqariladigan bitta davlat oʻrta maktabi faoliyat yuritadi. Shaharda oʻrta maktab mavjud emas.
Transporti
Temir yoʻl
Sharqiy Yaponiya temir yo'l kompaniyasi — Ou magistral liniyasi
Magistral yoʻl
Mashhur insonlar
Gallereya
Manbalar
Havolalar
uz.wikipedia.org