Guzmics Richárd

Guzmics Richard (veng.: Guzmics Richárd) 1987-yil 16-aprelda Vengriyada tugʻilgan. Vengriyalik futbolchi „Yanbian Fude“ klubi va Vengriya terma jamoasi himoyachisi.

Jamoalardagi faoliyati

Guzmics Richard faoliyatini „Haladás“ klubida boshlagan. 2005-yilda Vengriya chempionatida debyut qilgan. „Haladás“ uchun Richard toʻqqiz mavsum oʻynadi va 247 oʻyin bilan klub rekordchilaridan biri hisoblanadi. 2014-yilning yozida Guzmics Richard „Wisła Kraków“ga koʻchib oʻtdi. 28-sentabr kuni „Krakoviya“ga qarshi oʻyinda u Polsha Ekstraklasasida debyut qildi. 2016-yilning 1-oktabr kuni „Visla Plok“ga qarshi kechgan bahsda Richard jamoadagi ilk golini urdi.

2017-yil boshida Guzmics Richard Xitoyning „Yanbian fude“ga koʻchib oʻtdi. 5-mart kuni u Xitoy Superligasidagi debyutini „Chongsin Lifan“ga qarshi o‘tkazdi. 10-sentabr kuni „Pekin Guoan“ga qarshi bahsda Richard oʻzining birinchi golini „Yanbian Fude“ darvozasiga kiritdi.

Xalqaro faoliyati

2012-yil 14-noyabrda Norvegiyaga qarshi oʻrtoqlik uchrashuvida Guzmics Richard Vengriya terma jamoasi safida debyut qildi. 2015-yilning 7-sentabrida Shimoliy Irlandiyaga qarshi 2016-yilgi Yevropa chempionati saralashida Richard terma jamoadagi ilk golini urdi.

Guzmics Vengriyaning Euro-2016 terma jamoasiga tanlangan. 2016-yil 14-iyun kuni Guzmics UEFA Euro-2016 F guruhidagi Fransiyada Avstriya ustidan 2:0 hisobida g‘alaba qozongan birinchi guruh o‘yinida maydonga tushdi. Uch kundan soʻng, 2016-yil 18-iyunda u Marseldagi „Stade Velodrom“ stadionida Islandiyaga qarshi 1:1 hisobida durang oʻynadi. Shuningdek, u 2016-yil 22-iyun kuni Liondagi „Parc Olympique Lion“ stadionida Portugaliya bilan 3:3 hisobida durang o‘ynagan guruhdagi so‘nggi o‘yinda maydonga tushdi.

Statistika

Manbalar

uz.wikipedia.org