Gustav Engvall
Gustav Per Fredrik Engvall (talaffuzi: Gustav Fredrik Per Engval; 1996-yil 29-aprelda Shvetsiyada tugʻilgan) — shved futbolchisi, „Mechelen“ futbol klubi hujumchisi. Shvetsiya terma jamoasida ham oʻynagan.
Klublardagi faoliyati
Gustav Engvall „Göteborg“ futbol klubi akademiyasining bitiruvchisi hisoblanadi. 2013-yil 13-iyulda u „Brommapojkarna“ futbol klubiga qarshi oʻyinda debyut qilgan. 2014-yilning 10-avgustida „Malmö“ futbol klubiga qarshi kechgan bahsda Gustav Engvall „Göteborg“ safida ilk golini urgan. 2015-yilda u klubga Shvetsiya kubogini yutishda yordam bergan.
2016-yilning yozida Gustav Engvall Angliyaning „Bristol City“ futbol klubiga koʻchib oʻtgan. 26-noyabr kuni u Chempionatdagi debyutini „Reading“ futbol klubiga qarshi oʻtkazgan.
2017-yil boshida oʻyin amaliyotiga ega boʻlish uchun Gustav Engvall oʻz vataniga ijara asosida qaytgan va „Djurgården“ futbol klubi oʻyinchisiga aylangan. 3-aprel kuni „Sirius“ futbol klubiga qarshi oʻyinda Gustav Engvall yangi jamoada debyut qilgan. 16-aprel kuni „Elfsborg“ futbol klubiga qarshi bahsda Gustav Engvall „Djurgården“ futbol klubi safida birinchi golini urgan. 7-may kuni „Örebro“ futbol klubiga qarshi oʻyinda u xet-trik qayd etgan. Yozda „Djurgården“ futbol klubi Gustav Engvallning ijara muddatini yana olti oyga uzaytirgan. 2018-yil boshida u ijara asosida „Göteborg“ futbol klubiga qaytgan.
2018-yilning yozida Engvall Belgiyaning „Mechelen“ jamoasi bilan shartnoma imzolagan.
Xalqaro faoliyati
2013-yilda Shvetsiya yoshlar terma jamoasi bilan Gustav Engvall Slovakiyada boʻlib oʻtgan yoshlar oʻrtasidagi Yevropa chempionatida uchinchi oʻrinni egallagan. Turnirda u Shveysariya, Avstriya va Rossiya jamoalariga qarshi oʻyinlarda ishtirok etgan. Shveysariyaliklarga qarshi kechgan bahsda Gustav Engvall gol urgan. Oʻsha yili Gustav Engvall BAA yoshlar oʻrtasidagi jahon chempionatida bronza medallarini qoʻlga kiritgan. Turnirda u Yaponiya, Gonduras, Iroq, Meksika, Argentina va ikki marta Nigeriya bilan oʻyinlarda maydonga tushgan. Iroqliklar va yaponlarga qarshi bahslarda Gustav Engvall uchta gol urgan.
2016-yilning 6-yanvarida Gustav Engvall Shvetsiya terma jamoasi safida Estoniyaga qarshi oʻrtoqlik oʻyinida debyut qilgan.
2017-yilda Shvetsiya yoshlar terma jamoasi tarkibida Une Larsson Polshada boʻlib oʻtgan yoshlar oʻrtasidagi Yevropa chempionatida ishtirok etgan. Turnirda Gustav Engvall Angliya va Polsha bilan oʻyinda maydonga tushgan.
Statistikasi
Manbalar
uz.wikipedia.org