GIDRADENOMA

---

GIDRADENOMA — ter bezlaridan rivojlanadigan xavfsiz o’sma. Ko’proq xotin-qizlarda uchraydi. Qovoqda, bo’yinda, ko’krakning yon va old tomonida paydo bo’ladi. Kichik, ba’zan no’xatdek, tuxumsimon yoki dumaloq, qizg’ish-sariqdan sariq-qo’ng’ir ranggacha, qattiqroq bo’ladi, normal teri sathidan deyarli ko’tarilmaydi, so’rilib ketmaydi, xavfli o’smaga ham aylanmaydi. Jarrohlik yo’li bilan olib tashlanadi.

Manba

---

O'zbekiston Milliy Ensiklopediyasi