Geyse Ferreira

Geyse da Silva Ferreira (1998-yil, 27-martda tugʻilgan), odatda Geyse yoki Pretinha nomi bilan tanilgan — braziliyalik professional futbolchi, Primera Divizioni Barselona klubi va Braziliya ayollar terma jamoasida hujumchi sifatida oʻynaydi.

Yoshligi

Geyse de Silva Ferreira 1998-yil, 27-martda Braziliyaning Maragogi shahrida tugʻilgan. U Maria Cristina „Cris“ Gomes da Silva, koʻcha supuruvchi va bolalar bogʻchasi xodimi, Geyse va uning besh aka-uka — Aline, Jovanne, Gisele, Alisson va José Willamy yolgʻiz ona sifatida tarbiyalagan.

Geyse Pernambucoda ikki yil futzal oʻynagan. Keyinchalik u Maceioda joylashgan União Desportiva Alagoana (UDA) jamoasida futbol oʻynadi. Keyin u Centro Olimpicoga koʻchib oʻtdi va u yerda cheklangan chiqishlar qildi.

Jamoalardagi faoliyati

Corinthians (2017)

Geyse Corinthians safida 2017-yilning 12-mart kuni São Francisco ustidan 4-0 hisobida gʻalaba qozongan holda debyut qildi. Corinthians bilan bir mavsum davomida u 27 ta oʻyinda maydonga tushib, 9 ta gol urgan.

Madrid CFF (2017-2018)

Geyse Ispaniya ligasiga ilk qadamini 2017-yilda, u Corinthiansdan yangi koʻtarilgan Madrid CFF bilan shartnoma imzolaganida qilgan. Geyse bor yoʻgʻi 11 oʻyinda maydonga tushib, ikkita gol urgan va Madrid ligada 10-oʻrinni egallagan.

Benfica (2018-2019)

Geyse 2018-yilning may oyida yangi tashkil etilgan SL Benfica klubiga oʻtishga rozi boʻldi. U yangi jamoasiga 2018-yil sentyabr oyida, 2018-yilgi FIFA U-20 ayollar oʻrtasidagi Jahon chempionatida Braziliya terma jamoasida oʻynaganidan soʻng qoʻshildi. U Portugaliyada ikkinchi divizionga kirgan Benfica safidagi dastlabki toʻrtta oʻyinida 16 ta gol urdi. Geyse ham Almeirimga qarshi bitta oʻyinda 6 ta gol urdi. Mavsum oxiriga kelib Geyse klub safida 29 ta oʻyinda 51 ta gol urdi, ulardan 41 tasi ligada, qolgan 9 tasi esa 2018-19-yilgi Taça de Portugaliya Femininada urilgan.

2019-20-yilgi Campeonato Nacional Feminino mavsumining birinchi yarmida Geyse sakkizta oʻyinda ishtirok etdi va atigi bitta gol urdi. 2020-yilning yanvarida Benfica Geyse bilan shartnomani oʻzaro kelishuv asosida bekor qildi.

Madrid (2020-yildan va hozir)

2020-yil yanvar oyida Geyse Primera turnir jadvalining quyi qismida joylashgan Madrid CFF bilan qayta shartnoma imzoladi. U Ispaniyadagi COVID-19 pandemiyasi sababli 2019-20-yilgi liga mavsumi muddatidan oldin yakunlanishidan oldin 5 ta liga oʻyinida 5 ta gol urdi. 2020-yil, 21-iyulda Geyse Madrid CFF bilan shartnomasini 2020-21-yilgi mavsum oxirigacha uzaytirdi.

Keyingi mavsumda, 2021-yil, 21-aprelda Geyse 2020-21-yilgi Copa de la Reina chorak finalida Real Madrid ustidan 2-1 hisobida jamoasi bilan gʻalaba qozondi. Madrid CFF yarim finalda uch marta gʻolib boʻlgan Barselona bilan toʻqnash keldi va Geyse 4-0 hisobida jamoasi bilan magʻlub boʻlganida 90 daqiqa davomida toʻp surdi.

2021-yil, 10-oktyabrda Geyse Madrid CFFning Real Betisga qarshi 5-4 hisobida yakunlangan oʻyinda 4 ta gol urdi. 2021/22-yilgi Ispaniya kubogi chorak finalida Geyse gol urdi, ammo qizil kartochka olib maydondan chetlatildi. Madridliklar qoʻshimcha boʻlimda magʻlub boʻlishdi. Madrid CFF ligada 13-oʻrinni egallagan boʻlsada, Geyse Madrid CFFdagi ikkinchi mavsumini ligadagi eng yuqori 20 gol bilan yakunladi. U oʻzining birinchi Pichichi unvonini qoʻlga kiritdi, u Barselonaning Asisat Oshoala futbolchisi bilan boʻlindi, u ham ligada 20 ta gol urgan edi. Geyse Ispaniya ayollar ligasida eng yaxshi toʻpurarlar unvoniga erishgan birinchi janubiy amerikalik futbolchiga aylandi.

Xalqaro karyera

Yoshlar terma jamoalarida

2015-yilning aprel oyida 17 yoshli Geysening União Desportiva safida 2015-yilgi Copa do Brasil de Futebol Feminino chorak finaligacha boʻlgan oʻyinlari uni Braziliyaning 20 yoshgacha boʻlgan ayollar milliy futbol jamoasi mashgʻulotlariga chaqirishga olib keldi. U 2016-yilgi FIFA U-20 ayollar oʻrtasidagi Jahon chempionatida Braziliya uchun muhim oʻyinchiga aylandi.

2018-yilgi Janubiy Amerika U-20 ayollar chempionatida Geyse guruh bosqichida toʻrtta gol urdi, Venesuela ustidan 2-0 hisobida jamoasi bilan gʻalaba qozongan va yana bir dubl bilan Urugvay ustidan 3-0 hisobida jamoasi bilan gʻalaba qozondi. Final bosqichida u har oʻyinda bir marta, Braziliyaning Kolumbiyaga qarshi oʻyinida bitta gol, Venesuelaga qarshi oʻyinda ikkita gol va 8-1 hisobida yakunlangan Paragvayga qarshi oʻyinda beshta gol urdi. Geyse 7 oʻyinda jami 12 ta gol bilan turnirning eng yaxshi toʻpurari boʻldi va Turnirning eng yaxshi futbolchisi sifatida tanlandi. Keyinchalik Geyse 2018-yil avgust oyida FIFA U-20 ayollar oʻrtasidagi ikkinchi jahon chempionatida Braziliya bilan raqobatlashdi. Braziliya 1 ochko bilan B guruhida ikkinchi oʻrinni egalladi, Geyse Shimoliy Koreyaga qarshi 1-2 hisobi bilan ykunlangan oʻyonda bitta gol urdi.

Kattalar terma jamoasida

Geyse 2017-yil sentyabrida Braziliya terma jamoasi safida Chili ustidan 4-0 hisobida gʻalaba qozongan oʻyinda zaxiradan maydonga tushgan holda debyut qilgan. U Benfica bilan klub darajasidagi sermahsul mavsumdan soʻng, Fransiyada boʻlib oʻtadigan 2019 FIFA ayollar oʻrtasidagi Jahon chempionati uchun Braziliyaning 23 oʻyinchisidan iborat tarkibga kiritilgan. Geyse Braziliyadagi ayollar oʻrtasidagi 2019-yilgi Jahon chempionati turnirida ikkita oʻyin oʻtkazdi, Yamaykaga qarshi guruh bosqichidagi birinchi uchrashuvi va Fransiyaga qarshi chorak finaldagi magʻlubiyati.

Geyse 2021-yilgi SheBelieves kubogida oʻzining kattalar jamoasidagi birinchi golini kiritdi, bu Braziliyaning Argentinaga qarshi 4-1 hisobidagi gʻalabadagi toʻrtinchi goli. Yil oxirida Geyse Pia Sundhage tomonidan Braziliyani 2021-yilgi Yozgi Olimpiya oʻyinlarida himoya qilish uchun chaqirildi.

Xalqaro oʻyinlardagi ishtiroki

Shaxsiy hayoti

Futboldan topgan puliga Geyse onasi va ukalariga uy sovgʻa qildi. Geysening chap qoʻlida onasining yuzi tatuirovka qilingan.