George Dobson

George David Dobson (talaffuzi: Jorj Devid Dobson) (1997-yil 15-noyabrda tugʻilgan) — angliyalik futbolchi. George Dobson „Charlton Athletic“ futbol klubida yarim himoyachi sifatida oʻynaydi.

Yoshligi

George Dobson 2009—2014-yillarda Essexdagi Brentwood maktabida tarbiyalangan.

Klubdagi faoliyati

Dobson 8 yoshida „Arsenal“ futbol klubining yoshlar jamoasi safiga qoʻshilgan. Keyinchalik, u 2015-yil 28-iyulda „West Ham United“ futbol klubiga qoʻshilgan. Oʻsha paytda 17 yoshda boʻlgan George Dobson toʻgʻridan-toʻgʻri klubning U21 jamoasiga kiritilgan va 2015—2016-yilgi mavsumda klubning asosiy jamoasi tarkibida tez-tez maydonga tushib turgan. „Arsenal“ klubida Dobson markaziy himoyachi sifatida oʻynagan. George Dobson bolaligidan „West Ham United“ futbol klubiga muxlislik qilgan va bu 2015-yilda klubga qoʻshilish qarorida yordam bergan.

2016-yilning 29-iyunida Dobson Birinchi liga vakili „Walsall“ futbol klubi safiga mavsumiy ijara asosida qoʻshilish uchun shartnoma imzoladi. George Dobson EFL kubogidagi ilk oʻyinini oʻz uyida „Yeovil Town“ futbol klubini 2:0 hisobida magʻlub etgan uchrashuvda oʻtkazdi.

2017-yilning 16-iyulida Dobson „Sparta Rotterdam“ futbol klubi bilan nomaʼlum toʻlov evaziga shartnoma imzolagani maʼlum boʻldi. George Dobson 2017—2018-yilgi yanvar oyi transfer oynasida ikki yarim yillik shartnoma asosida „Walsall“ futbol klubiga qayta qoʻshildi.

2019-yil 25-iyulda Dobson „Sunderland“ futbol klubi bilan uch yillik shartnoma imzoladi. U „Sunderland“ klubi safidagi ilk golini 2019-yilning 28-avgustida „Burnley“ klubiga qarshi EFL kubogi bahsida kiritdi.

George Dobson 2021-yilning 1-iyulida „Charlton Athletic“ futbol klubiga oʻtdi va klub bilan ikki yillik shartnoma imzoladi.

Faoliyat statistikasi

Manbalar

uz.wikipedia.org