Gwendoline Christie
Gwendoline Christie (talaffuzi: Gvendolin Kristi, 1978-yil 28-oktyabr) — ingliz aktrisasi. HBO telekanalining Taxtlar o‘yini (2012-2019) fantastik-dramaviy serialidagi Brienne of Tarth obrazi va Yulduzlar jangi: Kuchning uyg‘onishi (2015) hamda Yulduzli jangi: So‘nggi jedaylar (2017) filmlarida birinchi darajali kapitan Phazma roʻli bilan mashhur. Gwendoline Yulduzlar jangi: Kuchning uyg‘onishi filmidagi ijrosi uchun 2019-yilda „Drama serialidagi eng yaxshi ikkinchi plandagi aktrisa uchun“ Primetime Emmy Awards mukofotiga nomzod boʻlgan. Shundan soʻng Christie Netflix’ning The Sandman va Wednesday (ikkalasi 2022-yilda chiqarilgan) nomli fantastik seriallarida roʻl ijro etdi.
Yoshligi
Christie Worthing shahrining West Sussex qirgʻogʻida dunyoga kelgan. Uning ikkita akasi bor. Onasi uy bekasi, dadasi savdogar boʻlgan. Christie South Downs tepaliklari yaqinidagi qishloqda ulgʻaygan. Bolaligida gimnastika bilan shugʻullangan, lekin orqa miya jarohatidan keyin aktrisalik faoliyatiga oʻtgan.
Christie 2005-yilda London Drama Center'da taʼlim olgan.
Faoliyati
Christie ilk bor ekranda 2007-yilda Nathaniel Mellors tomonidan yozilgan va rejissyorlik qilingan The Time Surgeon nomli qisqa metrajli filmidagi ijrosi bilan paydo boʻlgan. 2010 va 2011-yillar oraligʻida badiiy koʻrgazmalarning bir qismi sifatida yoki tanlangan ommaviy namoyishlarda chiqarilgan eksperimental qisqa metrajli filmlarida ham roʻl ijro etdi. Sahna ortida prodyuser yordamchisi sifatida ishtirok etgan va kasting, kostyumlar, rekvizitlar hamda grim boʻyicha ishchilarga yordam bergan. Shu bilan birga, 2009-yilda Terry Gilliam rejissyorligida suratga olingan The Imaginarium of Doctor Parnassus filmidagi kichik roli bilan oʻzining badiiy filmdagi debyutini qildi. Gwendoline 2009-yilda Patrick Wolf bilan Damaris klipida suratga tushdi.
Christie Gwendoline 2011-yil iyul oyida HBO telekanalida efirga uzatiluvchi Taxtlar o‘yini fantastik teleserialining ikkinchi mavsumida jangchi Brien of Tarth rolini ijro etadi. Uning qahramoni — gʻayrioddiy uzun boʻyli, gavdali va sodda koʻrinishdagi ayol — romanning koʻplab oʻquvchilari orasida sevimli qahramon va Christie kasting oʻtkazilishidan ancha oldin muxlislar tomonidan bu rolga taklif qilingan edi.
Uning debyuti ikkinchi mavsumning 2012-yil 15-aprelda namoyish etilgan What Is Dead May Never Die nomli uchinchi epizodida namoyish etildi. Uning ilk chiqishi tanqidchilar tomonidan yaxshi qabul qilindi.
Christie 2022-yil noyabr oyida Netflix studiyasida suratga olingan Wednesday qoʻrqinchli-komediya serialida bosh direktor Larisa Weems rolini ijro etadi.
Filmografiyasi
Badiiy filmlari
Video Oʻyinlar
Manbalar
Havolalar
uz.wikipedia.org