Gary Kagelmacher

Gary Christofer Kagelmacher Pérez (talaffuzi: Gari Kagelmaxer; 1988-yil 21-aprelda tugʻilgan) — urugvaylik professional futbolchi, Chilining „Universidad Católica“ klubida markaziy himoyachi va oʻng qanot himoyachi sifatida oʻynaydi.

Klublardagi faoliyati

Montevideoda tugʻilgan Kagelmacher professional faoliyatini mahalliy Danubio FC klubida boshlagan. 2007-yilda, 19 yoshida Ispaniya Segunda B divizioni vakili „Real Madrid Castilla“ klubiga ijaraga berildi.

2008—2009-yilgi mavsumning soʻnggi oʻyinida Kagelmacher „Real Madrid“ safida La Ligada „Osasuna“ga qarshi oʻyinda debyut qildi, safarda 2:1 hisobida magʻlub boʻlishdi. 2010-yilning yozida Belgiya Pro-ligasining KFC Germinal Beerschot jamoasiga ijaraga berildi. 2011-yil 6-may kuni Beerschot bilan toʻrt yillik doimiy shartnomaga rozi boʻldi. Keyingi transferlar oynasida yana boshqa mamlakat klubi — Fransiyaning „Monako“ klubi bilan shartnoma imzoladi.

2013—2014-yilgi mavsumda Valenciennes klubida ijara asosida toʻp surdi. 2014-yil 30-iyun kuni Kagelmacher TSV 1860 Munich jamoasiga uch yillik shartnoma asosida qoʻshildi. Oʻzining yangi jamoasi tarkibidagi ilk gollarini keyingi yilning 8-martida SV Sandhausenga qarshi oʻyinda kiritdi, ammo 3:2 hisobida magʻlub boʻlishdi.

31 yoshli Kagelmacher Isroil Premyer-ligasida vakili Maccabi Haifa klubida bir mavsum va Belgiya oliy divizionining KV Kortriyk jamoasida ikki yarim mavsum oʻynaganidan keyin 2020-yil yanvaridagi transfer oynasida vataniga qaytdi. Peñarol bilan shartnoma imzoladi. Keyinchalik xorijda, Meksikaning Liga MX ligasi Club León va Chili Primera Divizioni Club Deportivo Universidad Católica klublarida oʻynadi.

Xalqaro faoliyati

Kagelmacher 2005-yilgi FIFA Jahon chempionatida Urugvayning 17 yoshgacha boʻlgan terma jamoasida oʻynagan. Ikki yil oʻtgach, 2007-yilgi Jahon chempionatida 20 yoshgacha boʻlganlar bilan maydonga tushdi.

Faoliyat statistikasi

24-yanvar, 2020-yil holatiga koʻra

Manbalar

uz.wikipedia.org