Galina Pugachenkova
Galina Anatolyevna Pugachenkova (1915.7.2, Olmaota) — sanʼatshunos, arxeolog olim. Oʻzbekiston Fanlar akademiyasi akademik (1984), Oʻzbekistonda xizmat koʻrsatgan sanʼat arbobi (1964). Oʻrta Osiyo industrial institutini tugatgan (1937). Oʻrta Osiyo universiteti (Toshkent Davlat Universiteti) tarix fakulteti arxeologiya kafedrasi do-senti (1942—60), professor (1962). Sanʼatshunoslik ilmiy tadqiqot institutida katta il-miy xodim (1958—60), sanʼat va meʼmorlik tarixi boʻlimi mudiri (1960— 84) hamda, ayni bir paytda, Oʻzbekiston sanʼatshunoslik ekspedi-siyasi boshligʻi va ilmiy rahbari (1959—84), Oʻzbekiston Fanlar akademiyasi Tarix, tilshunoslik va adabiyotshunoslik fanlari boʻlimi akad.-kotibi (1984— 87), 1987-yildan Oʻzbekiston Fanlar akademiyasi Tarix ilmiy tadqiqot institutida akademikmaslahatchi. P.ning ilmiy ishlari Oʻrta Osiyo va unga yondosh Oʻrta Sharq mamlakatlarining qad. va oʻrta asrlar badiiy va moddiy yodgorliklarini oʻrganishga ba-gʻishlangan. Oʻrta Osiyo meʼmorligi va uning taraqqiyoti, oʻziga xos xususiyatlari hamda Sharq meʼmorligi rivojida tutgan oʻrni (Xolchayon, Dalvarzintepa kabi yodgorliklarni oʻrganish, Kushan sanʼatining kelib chi-qishi, Baqtriya, Parfiyaning Gandhara sanʼatiga qoʻshgan hissalari)ni, qad. sanʼat osori atiqalari (Oʻrta Osiyo gliptikasi, qad. haykal-taroshligi va boshqalar) va miniatyura sanʼati (xorijda saqlanayotgan Oʻrta Osiyoga oid rasmlar va Oʻzbekistonda mavjud rasmli qoʻlyozmalarni bezagan mi-niatyuralardan Oʻrta Osiyo miniatyura maktabiga tegishlilari)ni tadqiq etgan.
Fransiyadagi Strasburg universitetining faxriy doktori (1976), Bokudagi Sharq mamlakatlari xalqaro meʼmorlik aka-demiyasi faxriy akademik (1999). Hamza (1966) va Beruniy (1992) nomidagi Oʻzbekiston Davlat mukofotlari laureati. "Doʻstlik" (1995) va "Buyuk xizmatlari uchun" (2002) ordenlari bilan mukofotlangan.
Manbalar
Adabiyot
uz.wikipedia.org