FRANTSUZLAR
FRANTSUZLAR — xalq. Frantsiyaning asosiy aholisi. 57 millionga yaqin kishi (1990-yillar o’rtalari). Frantsuz tilida so’zlashadi. Dindorlari katoliklar. Frantsuzlarning etnogenezida miloddan avvalgi 1-ming yillik o’rtalarida hozirgi Frantsiya hududiga kelib joylashgan kelt qabilalari (rimliklar ularni gallar deb atashgan) muhim rol o’ynagan. Rim imperiyasi Galliyani (hozirgi Frantsiya hududi) bosib olgach (miloddan avvalgi 58—52-yillar), Frantsuzlar ular bilan aralashib ketgan. Gallarning romanlashishi bilan, ularning tili “lotin tili” bo’lib qolgan. 5-asrda german qabilalari — vestgotlar, burgundlar, franklarnint Galliyaga bostirib kirishi Frantsuzlarning etnik tarixida muhim ahamiyatga ega bo’lgan. Frank davlashi tashkil topgan. 9-asrda bu davlat Buyuk Karl tomonidan yirik imperiyaga aylantirilgan. 9-asrda Frantsuzlar xalq bo’lib shakllangan. 18-asr oxiridagi Buyuk frantsuz itshilobi Frantsuzlarning millat bo’lib shakllanishida hal qiluvchi omil bo’lgan. Frantsuzlarning aksariyati sanoatda band, qisman dehqonchilik bilan shug’ullanadi.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz