Fozil Musayev
Fozil Musayev 1989-yil 2-yanvarda Toshkent shahrida tugʻilgan. Hozirda Eronning Sepahan futbol klubi va Oʻzbekiston milliy terma jamoasi tarkibida oʻynaydi, ampluasi yarimhimoyachi.
Faoliyati
Fozil Musayev professional futboldagi faoliyatini 2007-yili Qarshining Nasaf futbol klubida boshlagan. U ushbu klub tarkibida 2008-yil oxiriga qadar oʻynadi va ushbu vaqt oraligʻida 29ta oʻyinda maydonga tushdi. 2009-yili u Qashqadaryoning yana bir boshqa klubi Muborakning Mashʼal klubiga kelib qoʻshiladi, Fozil Musayev gazchilar safida 3 mavsum oʻynab 44 marta klub shanini maydonda himoya qildi va raqiblar darvozasini 5 marta ishgʻol qildi.
2011-yili u yana Nasafga qaytadi va oʻsha yili jamoa bilan birga AFC kubogi musobaqasining chempioniga aylanadi. Nasaf safida 2 mavsum oʻynaydi, 30 marta maydonga tushib 3ta golga mualliflik qiladi. 2013-yili Toshkentning Bunyodkor klubi bilan shartnoma imzolaydi,, ammo ushbu klubda yarim mavsum oʻynab, 12ta uchrashuvda maydonga tushdi va 1ta golga mualliflik qildi. Keyin u Qatarning Muaither klubi bilan shartnoma imzoladi. Musayev arab klubi tarkibida 2014-yilning oʻrtalariga qadar oʻynadi va ushbu vaqt oraligʻida 15ta oʻyinda maydonga tushib, raqiblar darvozasini 1 marta ishgʻol qilishga ulgurdi.
2014-yilning yozida u Oʻzbekistonga qaytadi va Toshkentning „Lokomotiv“ klubi bilan shartnoma tuzadi. Lokomotiv tarkibida mavsumning oxirigacha oʻynaydi, 22ta oʻyinda oʻynab, 2ta golni oʻz nomiga yozdirib qoʻyadi. 2015-yilning yanvar oyida, Eronning Sepahan klubi bilan shartnoma imzolaydi va shu vaqtga qadar u ushbu klubda 13ta oʻyinda maydonga tushdi.
Terma jamoadagi faoliyati
Fozil Musayev bir qancha xalqaro musobaqalarda terma jamoa sharafini himoya qilgan. U Oʻzbeiston U-19 terma jamoasi safida AFC U-19 Osiyo chempionati 2008 musobaqasida oʻynagan. 2011-yili Oʻzbekiston U-22 terma jamoasi va 2012-yili Oʻzbekiston U-23 terma jamoasi tarkibida Yozgi Olimpiya oʻyinlari 2012 musobaqasi uchun boʻlgan saralash bosqichlarida ishtirok etgan.
Milliy terma jamoadagi ilk debyut oʻyinini 2009-yil 1-fevralda Ozarbayjon terma jamoasi bilan boʻlgan oʻrtoqlik uchrashuvida oʻtkazgan. Shu vaqtga qadar u milliy terma jamoa safida 23ta oʻyinda ishtirok etib kelgan.
Klubdagi statistikalari
Yutuqlar
Nasaf tarkibida
Lokomotiv tarkibida
Sepaxon tarkibida
Manbalar
Havolalar
uz.wikipedia.org