Fotima Rejametova
Fotima Rejametova (27-iyul 1970-yilda tugʻilgan) — Oʻzbekistonda xizmat koʻrsatgan artist (2001), „Doʻstlik“ ordeni sohibi (2019).
Tarjimai hol
Aktrisa 1970-yil 27-iyulda taniqli oʻzbek aktyori Toʻgʻon Rejametov oilasida dunyoga keladi.
1991-yilda A. N. Ostrovskiy nomidagi teatr va rassomchilik institutini „Drama teatri va kino aktrisasi“ mutaxassisligi boʻyicha tamomlagan. 1991-yildan shu kungacha Oʻzbekiston Yoshlar teatrida ishlab kelmoqda. U 30 dan ortiq filmlarda rol oʻynagan. 1995-yilda oʻtkazilgan teatr ichidagi tanlov natijalariga koʻra, Golda roli uchun u „Eng yaxshi ayol roli“ nominatsiyasi mukofotiga sazovor boʻlgan.
Fotima Rejametova teatr yoki filmlar va televideniyedagi suratga olish ishlarini chambarchas bogʻlab bir-biriga uygunlashtiradi. Jumladan, 1993-yil Qohiradagi eksperimental teatrlar festivali, 1994-yilda Moskvada oʻtkazilgan „Chexov oʻynamoqda“, 1993-yilda Toshkent „Teatr: Sharq — Gʻarb“, 1998-yilda Moskvada oʻtkazilgan A. P. Chexov festivali kabi yirik III xalqaro festivallarda, 2000-yilda Rossiyada teatr festivali, shuningdek, respublika va viloyat darajasidagi festivallar va ijodiy koʻrik-tanlovlarda ishtirok etgan.
Aktrisa 1993-yilda oʻzbek va jazoirlik kinoijodkorlar hamkorligida suratga olingan „Soʻgʻdiyona — maʼbudlar maskani“ filmida Enasoy rolini ijro etgan. Bundan tashqari, Fotima Rejametova Zulfiya nomidagi Yosh isteʼdodlar uchun Davlat mukofoti hayʼati aʼzosi. Shuningdek, Fotima Turgʻunboyevna „Sharq taronalari“ (Samarqand), „Navroʻz — 2014“ (Nukus) kabi Respublika bayram va festivallarini oʻtkazishda faol ishtirok etib kelmoqda. Navroʻz bayrami munosabati bilan oʻtkazilgan „Biz buyuk Vatan avlodlarimiz“ ijodiy uchrashuvi va yoshlar festivalida ham ishtirok etdi. Shundan soʻng davlatimiz rahbarining 2001-yilgi Farmoni bilan Oʻzbekiston Respublikasida xizmat koʻrsatgan artist unvoni berilgan. 2019-yil avgust oyida „Doʻstlik“ ordeni bilan taqdirlangan. U „Koʻchaning quyoshli tomoni“ rus serialida suratga tushdi.
Teatrdagi faoliyati
Kino rollari
Manbalar
uz.wikipedia.org