FLYUOROGRAFIYA, radiofotografiya, rentgen o fotografiya — rentgenodiagnostika usuli; bunda ob’ektning rentgen apparati ekranidagi tasviri unchalik katta bo’lmagan fotoplyonkaga tushiriladi. O’lchami 70×70 yoki 90×90 bo’lgan flyuorogrammalarda ko’krak qafasi a’zolari tasviri olinadi. Flyuorografiya, asosan, ko’krak qafasi a’zolari, sut bezlari, suyak sistemasi va boshqalarni tekshirishda qo’llaniladi. Yashirin kechadigan kasalliklarni ommaviy tekshirish mumkinligi uning boshqa rentgenodiagnostik usullardan afzalligidir. Flyuorografiya kabinetlari ko’chma va stasionar bo’ladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish