Fil toshbaqa



Fil toshbaqa (Geochelone elephantopus) — quruqlikda yashovchi toshbaqalarning bir turi. 10 kenja turi maʼlum (shundan bir nechtasi qirilib ketgan). Kosasining uz. 150 sm cha, boʻyi 60 sm cha. Voyaga yetganlarining ogʻirligi 100 (baʼzilari 400) kg cha. Erkagi urgʻochisiga nisbatan yirik. Fil toshbaqa Galapagoss orollarida tarqalgan. Oʻsimliklar bilan oziqlanadi. 12—14 oygacha suvsiz va oziqsiz yashay oladi. Urgʻochisi noyabr —aprelda yerni oʻyib (40 sm chuqurlikda), 2—22 ta sharsimon oq tuxumini (tovuq tuxumidan katta) koʻmib qoʻyadi. Tuxumdan bolasi (70 g) 6—7 oyda chikadi. Mazali goʻshti, yogʻi va hayvonot bogʻlari uchun koʻplab ovlanganidan soni kamayib ketgan.



uz.wikipedia.org


Uzpedia.uz