Fikayo Tomori

Oluwafikayomi Oluwadamilola „ Fikayo “ Tomori (1997-yil 19-dekabrda tugʻilgan) — professional futbolchi, "Milan" klubi va Angliya terma jamoasida markaziy himoyachi sifatida oʻynaydi. Kanadada tugʻilgan, xalqaro uchrashuvlarda Angliya sharafini himoya qiladi.

Tomori Kanadaning Alberta shtatidagi Kalgari shahrida nigeriyalik ota-ona oilasida tugʻilgan. Bir yoshga toʻlmasdanoq, Tomori oilasi bilan Angliyaga koʻchib oʻtgan va u yerda oʻsgan. U olti yoshida Kentdagi Riverview United jamoasida oʻynay boshladi. Uning futboldagi kumiri Thierry Henry edi. U 2009-yildan 2014-yilgacha Kentdagi Gravesend grammatika maktabida oʻqigan, maktabda oʻqib yurgan vaqtida u Gravesendni tark etib, 16 yoshida Chelsiga borishga qaror qilgan.

Klublardagi faoliyati

Tomori „Chelsi“ akademiyasiga 8 yoshgacha boʻlgan bolalar darajasida qoʻshildi va klub akademiyasiga qabul qilindi. U 2015-2016-yillarda UEFA Yoshlar ligasida va Angliya yoshlar kubogida ketma-ket gʻalaba qozongan „Chelsi“ yoshlar jamoasi aʼzosi edi.

2017-yilning 31-avgustida Tomori Chempionshipning „Hull City“ klubiga bir mavsumlik ijara shartnomasi asosida qoʻshildi. U 2017-yilning 13-sentabrida „Fullham“ ga qarshi oʻyinda (2:1) debyut qilgan.

2018-yilning 6-avgustida Tomori Chempionshipning „Derby County“ jamoasiga bir mavsumga ijara asosida qoʻshildi. U 11-avgust kuni „Leeds United“ga qarshi oʻyinda (1:4) debyut qildi. Klubdagi faoliyati davomida u klubning „Yil futbolchisi“ deb topilgan.

2021-yilning 22-yanvarida Tomori Italiyaning "Milan " klubiga 2020-21-yilgi mavsumning qolgan qismida sotib olish huquqi bilan ijaraga berildi. Toʻrt kundan soʻng u Italiya kubogi chorak finalida „Inter“ ga qarshi „Derby della Madonnina“da debyut qildi, jamoasi safarda 2:1 hisobida magʻlub boʻldi. 2021-yil 9-may kuni Tomori „Milan“ safidagi ilk golini safarda „Yuventus“ ustidan 3:0 hisobida gʻalaba qozonilgan oʻyinda kiritdi. Tomori 2009-yilda David Beckhamdan keyin „Milan“ safida gol urgan birinchi ingliz futbolchisi boʻldi va bu klubning 2011-yil martidan beri „Yuventus“ga qarshi ligadagi ilk safardagi gʻalabasi edi.

2021-yil 17-iyun kuni Tomori Milan bilan 2025-yilning 30-iyuniga qadar doimiy shartnoma imzoladi, chunki klub oldingi ijaradagi 25 million funt sterlingga sotib olish huquqidan foydalangan. Tomori „Milan“da 23-raqamda toʻp surdi.

Terma jamoadagi faoliyat

Tomori ota-onasi sababli xalqaro miqyosda Nigeriya terma jamoasi vakili boʻlish huquqiga ega boʻlgan. 2019-yil 17-noyabr kuni Tomori Kosovoga qarshi UEFA Yevro-2020 saralashida Angliya terma jamoasiga qarshi debyut qildi va shu tariqa oʻz kelajagini shu mamlakat bilan bogʻladi.

Kanada

2016-yil 27-mart kuni Tomori Kanada U20 terma jamoasi sardori boʻlib, milliy terma jamoadagi uchinchi uchrashuvida Angliya U20 ustidan 2:1 hisobida gʻalaba qozondi.

Yutuqlar

Chelsi akademiyasi

Chelsi

AC Milan

Angliya U20

Angliya U21

Shaxsiy sovrinlari

Manbalar

uz.wikipedia.org