Fernando Hierro

Fernando Ruiz Hierro (talaffuzi: Fernando Ruiz Yerro) 1968-yil 23-martda Ispaniyada tavallud topgan. Ispaniyalik futbolchi Ispaniya terma jamoasi va Real Madridning sobiq sardori, himoyachi, murabbiy hisoblanadi.

Fernando Ruiz Hierro „Real Madrid“ bilan besh karra Ispaniya chempioni va uch karra Chempionlar ligasi gʻolibi.

Fernando Ruiz Hierro Ispaniya terma jamoasi tarixida eng koʻp oʻyin oʻtkazgan futbolchilar orasida oʻninchi (89 oʻyin) va toʻpurarlar orasida toʻrtinchi (29 gol) oʻrinni egallab turibdi.

Faoliyati

Fernando Ruiz Hierro 1989-yil 20-sentyabrda 21 yoshida Luis Suares qo‘l ostida milliy terma jamoadagi debyutini A Korunyada Polshaga qarshi o‘rtoqlik uchrashuvida (1:0) o‘tkazgan. U terma jamoadagi ilk golini 1990-yil 19-dekabrda (terma jamoa uchun uchinchi o‘yin) Yevropa chempionati saralash o‘yinida (9:0) Albaniyaga qarshi o‘yinda kiritgan. 22 yoshli Fernando Ruiz Hierro 1990-yilgi jahon chempionatida ishtirok etgan, ammo u maydonga tusha olmagan.

Hammasi boʻlib Fernando Ruiz Hierro terma jamoa safida 89 ta oʻyin oʻtkazib, 29 ta gol urgan (bu koʻrsatkich boʻyicha Fernando tarixda beshinchi oʻrinda turadi), ammo bu vaqt davomida Ispaniya terma jamoasi hech qachon turnirning chorak final bosqichidan oʻta olmagan.

Menejerlik va murabbiylik faoliyati

2007-yilning sentyabridan Ispaniya futbol federatsiyasi sport direktori lavozimida ishlagan. Fernando Ruiz Hierro federatsiyadagi faoliyati davomida Ispaniya terma jamoasi Yevropa (2008-yil) va jahon chempioniga aylandi (2010-yil). 2011-yil iyul oyida u oʻz ona viloyatiga qaytib, „Malaga“ direktori boʻldi. Biroq, 2012-yilning may oyida u klubni tark etdi.

2014-yilning 10-iyulida Fernando Ruiz Hierro Zinedin Zidan o‘rniga „Real Madrid“ bosh murabbiyi Karlo Anchelottiga yordamchi bo‘ldi. 2016-yil iyun oyida u „Oviedo“ klubi bosh murabbiyi boʻldi, biroq bir yildan soʻng tomonlar oʻzaro kelishuvga koʻra shartnomani bekor qilishga qaror qilishdi.

Statistika

Manbalar

uz.wikipedia.org