Feliks Klaus

Feliks Klaus (talaffuzi: Feliks Klaus; 1992-yil 13-sentyabrda tugʻilgan) — nemis professional futbolchisi, 2. Bundesliga vakili Fortuna Düsseldorf klubida qanot himoyachisi.

Klublardagi faoliyati

Greuther Fürth

Klaus oʻzining professional faoliyatini SpVgg Greuther Furth bilan boshlagan va 2010—2011-yilgi 2. Bundesliga mavsumida debyut qilgan. Mavsum oxirida muxlislar tomonidan „Mavsumning eng yaxshi oʻyinchisi“ deb topildi, jamoasi Bundesligaga oʻtdi. 2012-yil 31-avgustda Greuther Fürthning Bundesligadagi ilk golini 1. FSV Mainz 05ga qarshi o‘yinda kiritdi.

SC Freiburg

2013-yil 20-may kuni Klaus SC Freiburgga oʻtdi. 3-oktyabr kuni UEFA Yevropa ligasi doirasida „Sevilla“ ga qarshi oʻyinda (2:0) debyut qildi. 2014-yilning 25-yanvarida „Bayer“ga qarshi oʻyinda (3:2) so‘nggi daqiqalarda gol urdi; natijada klub quyi ligaga tushib ketish zonasidan chiqdi.

Hannover 96

2015-yil 30-iyun kuni Klaus „Freiburg“ jamoasidan „Hannover 96“ safiga kelib qo‘shildi va to‘rt yillik shartnoma imzoladi. 9-avgust kuni DFB Pokalda KSV Hessen Kasselga qarshi oʻyinda (2:0) debyut qildi. 24-oktyabr kuni „Eintracht Frankfurt“ga qarshi oʻyinda (2:1) klubdagi birinchi golini kiritdi.

VfL Wolfsburg

2018-yilning 31-yanvarida Klaus yozgi transferlar oynasida VfL Wolfsburgga oʻtishi eʼlon qilindi. Biroq mavsum oldidan, avgust oyida operatsiya qilinishi aytildi. 12-avgust kuni Berlinda operatsiya qilindi va keyin Klaus Instagramda hammasi yaxshi ekanligi haqida yozdi.

Fortuna Düsseldorfga ijara

2021-yilning 14-yanvarida Klaus Fortuna Düsseldorfda mavsum oxirigacha ijara asosida oʻynadi.

Xalqaro faoliyati

Klaus 2015 yilgi UEFA U-21 Yevropa chempionatida Germaniyaning 21 yoshgacha boʻlgan terma jamoasi safida oʻynagan.

Shaxsiy hayoti

Klaus Osnabryukda tugʻilgan boʻlsa-da, 5 yoshida Frankoniyaga koʻchib oʻtdi. Otasi Fred Klaus sobiq futbolchi va hozirda murabbiy.