Federico Mancuello
Federiko Andrés Mancuello (1989-yil, 26-martda tugʻilgan) — Argentinalik professional futbolchi, Argentinaning „Atletiko Vélez Sarsfild“ klubida markaziy yarim himoyachi sifatida oʻynaydi.
Mancuello oʻz faoliyatini „Independiente“da boshlagan va 2011-12-yilgi mavsumda „Belgrano“da qisqa muddatga ijaraga olingan. U 2016-yilgi mavsum boshida „Flamengo“ga oʻtdi. U Argentina termasi sharafini ikki marta himoya qilgan va bitta gol urgan.
Jamoalardagi faoliyati
Dastlabki yillar
Mancuello 2008-yil, 14-dekabrda „Arsenal de Sarandi“ga qarshi oʻz uyida 1-2 hisobida magʻlub boʻlgan „Independiente“ safida ligadagi debyutini oʻtkazdi. U klubdagi ilk golini 2009-yil, 5-aprelda „Lanus“ga qarshi 5-1 hisobi bilan yakunlangan oʻyinda urgan. U 11-aprel kuni „Huracan“ ustidan 2-1 hisobida jamoasi bilan gʻalaba qozongan uchrashuvda yana gol urdi.
Belgranoga ijara
2011-yil iyul oyida „Independiente“ bosh murabbiyi Antonio Mohamed tomonidan koʻrib chiqilmagandan soʻng, Mancuello „Atletiko Belgrano“ klubiga bir yilga ijaraga berildi. 26-oktyabr kuni u oʻzining birinchi va yagona golini Tigrega qarshi 1-0 hisobi qayt etilgan oʻyinda kiritdi. 2012-yil yanvar oyida Mancuello Argentina kubogi oʻyinida jarohat oldi va bu oʻz jamoasining asosiy oʻyinchisi boʻlganida uni bir necha hafta davomida maydonga tushirmadi.
Independiente sahifasiga qaytish
Flamengo
2016-yilgi mavsumi 2016-yil, 6-yanvarda Mancuello Braziliyaning „Flamengo“ klubi bilan 12 million R$ evaziga shartnoma imzoladi. Mavsumning birinchi yarmida Mancuello bazi jarohatlar tufayli kutilganidek oʻynay olmadi, 12 ta oʻyinning barchasida asosiy tarkibda maydonga tushdi va 3 ta gol urdi. 2016-yil A Seriyasi boshlanishi bilan u boshlangʻich maqomini yoʻqotdi, lekin oʻzini jamoaning eng muhim zaxira oʻrinbosarlari sifatida koʻrsatdi.
2016-yil, 6-avgustda Mancuello oʻzining A Seriyadagi birinchi golini Kleber Andrade stadionida "Atletiko Paranaense"ga qarshi 1-0 hisobi qayt etilgan oʻyinda kiritdi, oʻyinda gʻalaba qozongan gol goʻzal orqa tovoni bilan urildi. 2016-yilning 28-avgustida „Chapekoense“ga qarshi oʻyinda u 62-daqiqada „Everton“ning jarohatlangani sabab oʻrniga maydonga tushdi va „A“ seriyadagi ikkinchi golini urdi, „Arena Konda“da boʻlib oʻtgan oʻyinda „Flamengo“ 3-1 hisobida gʻalaba qozondi. Uning A Seriyadagi uchinchi marta gol urganidayam jamoasi yana bir bor gʻalaba qozondi, bu safar 87-daqiqada „Kruzeyro“ darvozasiga chiroyli zarba yoʻlladi. "Flamengo"dagi birinchi mavsumida Mancuello 36 oʻyinda maydonga tushdi va barcha musobaqalarda beshta gol urdi.
Xalqaro martaba
2015-yilning 20-martida Mancuelloni argentinalik murabbiy Gerardo Martino 28-mart kuni Salvadorga, 2015-yilning 31-martida esa Ekvadorga qarshi oʻrtoqlik oʻyinlariga chaqirdi. U Fedex Fieldda Salvadorga qarshi debyut qildi, ikkinchi boʻlimda Anxel Di Mariani oʻrniga maydonga tushib va oʻyin oxirida jarima zarbasidan debyut golini kiritdi. May oyida u 2015-yilgi Amerika Kubogi uchun dastlabki tarkibga tanlangan, ammo u yakuniy tarkibga kiritilmagan.
Karyera statistikasi
Jamoalardagi faoliyati
5-dekabr, 2018-yil holatiga ko'ra
Xalqaro martaba
Faxrlar
Independiente Flamengo Cruzeiro Manbalar
Havolalar
Andoza:Club Puebla squad
uz.wikipedia.org