Fatmire Alushi
Fatmire „
Lira “
Alushi (talaffuzi: Fatmire Alushi) (1988-yil 1-aprelda tugʻilgan) — nemis sobiq professional futbolchisi, hujumkor yarim himoyachi sifatida oʻynagan. U 2010-yilgi FIFA "Oltin toʻp " tanlovida uchinchi oʻrinni egallagan.
Jamoalardagi faoliyati
Alushi oʻz faoliyatini DJK/VfL Gizenkirxenda boshlagan. 1997-yildan 2004-yilgacha u Bundesligaga oʻtishdan oldin Myonxengladbax FSC uchun oʻynagan. U Bundesligadagi debyutini 2004-yilning sentyabrida boshlagan va bir oy oʻtib ilk golini urgan. U 2005-yildan 2008-yilgacha „Duysburg“ safida toʻrt mavsum ketma-ket ikkinchi oʻrinni egallagan. 2008—2009-yilgi mavsumda Alushi UEFA ayollar chempionlar ligasida gʻolib chiqgan. Shuningdek, u 2009-yilda Germaniya kubogi sohibi boʻlgan va u yerda finalda gol urgan.
Duysburgdagi besh mavsumdan soʻng Alushi 2009-10-yilgi mavsum uchun FFC Turbine Potsdamga oʻtgan.. Yangi klubida u 2010 va 2011- yillarda Bundesliga chempionligini qoʻlga kiritgan. 2009—2010-yilgi mavsumda Potsdam tarkibida finalda penaltilar seriyasida Bayramaj gol urib, Ayollar oʻrtasidagi UEFA Chempionlar Ligasining ilk gʻolibligini qoʻlga kiritgan. Bir yil oʻtib, Potsdam yana finalga yoʻl olgan, ammo " Olimpikque Lyon "ga yutqazgan.
Alushi 2010-yilgi FIFA "Oltin toʻp " uchun kurashda uchinchi oʻrinni egallagan. 2011—2012-yilgi mavsum uchun Frankfurt FFC klubiga oʻtgan. Ushbu transfer ayollar Bundesligasi tarixidagi eng qimmat transfer boʻlgan.
2014-yilda u Parijga koʻchib oʻtgan.
Alushi 2017-yil 28-fevralda nafaqaga chiqqanini eʼlon qilgan.
Xalqaro faoliyati
Alushi Germaniya terma jamoasidagi debyutini 2005-yilning oktyabr oyida Shotlandiyaga qarshi oʻyinda oʻtkazgan. Bir yil oʻtgach, u 2006-yilda 19 yoshgacha boʻlgan ayollar oʻrtasidagi UEFA chempionatida gʻolib boʻlgan. 2006-yilgi FIFA U-20 ayollar oʻrtasidagi jahon chempionatida Germaniya terma jamoasi chorak finalgacha ishtirok etagan. Alushi jamoaning barcha toʻrtta oʻyinida maydonga tushgan va turnir davomida uchta gol urgan.
U oʻzining birinchi yirik xalqaro unvonini 2007-yilda FIFA ayollar oʻrtasidagi jahon chempionatida qoʻlga kiritgan. U Germaniyaning zaxira oʻyinchisi boʻlib, toʻrtta oʻyinda, shu jumladan turnir finalida maydonga tushgan va burchak toʻpini Germaniyaning ikkinchi goliga aylantirgan. Bir yil oʻtgach, Alushi 2008-yilgi Yozgi Olimpiya oʻyinlarida Germaniya bilan bronza medalini qoʻlga kiritgan. U uchinchi oʻrin uchun pley-off oʻyinida 62 daqiqadan soʻng maydonga tushgan va Germaniyaning Yaponiyaga qarshi oʻyinida (2:0) ikkala golga ham mualiflik qilgan. 2009-yilda boʻlgan Yevropa chempionatida Alushi ilk bor Yevropa kubogni boshi uzra koʻtargan. Germaniya oʻzining yettinchi chempionligini qoʻlga kiritgan. Shuningdek, u Germaniya terma jamoasining 2011-yilgi FIFA ayollar oʻrtasidagi Jahon chempionatiga chaqirilgan.
Shaxsiy hayoti
Alushining ota-onasi Ismet va Ganimete kosovo -alban hisoblanishadi.1993-yilda Kosovoning Istok shahridan Germaniyaga koʻchirishgan.
2011-yil iyun oyida Alushi boshqa futbolchi Enis Alushi bilan uchrashishni boshlaydi. Ularning ikkisni otasi ham Kosovoda politsiyachi sifatida birga ishlagan. Er-xotin kelasi yil nikohlarini eʼlon qilishgan. Koʻp oʻtmay, 2012-yil sentyabr oyida ikkalasi ham jarohat olgan. Er-xotin 2013-yilning dekabrida turmush qurishgan. 2015-yilgi UEFA Ayollar Chempionlar Ligasi finalidan soʻng, Alushi homiladorligini va Kanadada boʻlib oʻtadigan 2015 FIFA Ayollar Jahon chempionatini oʻtkazib yuborishga majbur boʻlishini eʼlon qilgan. U oxir-oqibat maydonga qaytishni kutayotganini, ammo „hayotda futboldan ham muhimroq narsalar borligini“ aytgan.
Faoliyati statistikasi
Yutuqlari
FCR 2001 Duisburg Turbine Potsdam Frankfurt FFC Shahsiy yutuqlar Manbalar
uz.wikipedia.org