Fatih Tekke

Fatih Tekke (1977-yil 9-sentyabrda tugʻilgan), Sultan taxallusi bilan tanilgan turkiyalik futbol murabbiyi va oxirgi marta „Denizlispor“ni boshqargan.

Klubdagi faoliyati

Turkiya

Tekke Trabzon viloyatidagi Köprübaşı kichik shaharchasida tugʻilgan. U mintaqaning asosiy jamoasi Trabzonsporga qoʻshilgan. Tekke asosiy tarkibda maydonga tusha boshlaganida hali 20 yoshga ham kirmagan edi. U 1994—1997-yillar oraligʻida 45 ta oʻyinda maydonga tushib, 6 ta gol urgan. 1997—1998-yilgi mavsum boshida u Izmirning „Altay SK“ jamoasiga ijaraga berilgan va u yerda 24 oʻyinda 8 ta gol urgan. „Galatasaroy“dan 5:4 hisobida magʻlub boʻlganida u xet-trik qayd etgan. Ammo bir necha hafta oʻtgach, u oyogʻini sindirib olgan va olti oygacha maydonga tusha olmasligi maʼlum boʻlgan. „Trabzonspor“ga qaytib kelgach, Tekke 2000-yilning yozida „Gaziantepspor“ klubiga oʻtgunga qadar 38 ta oʻyin oʻtkazgan va 6 ta gol urgan. Bu davrda u Turkiya terma jamoasida ilk bor maydonga tushgan.

2002-yilda Tekke „Trabzonspor“ga qaytgan va unga sardorlik bogʻichi berilgan. Bu vaqt Tekke oʻz faoliyatining choʻqqisiga chiqqan paytga toʻgʻri kelgan. 2004-05-yilgi mavsumda u 31 ta gol bilan liganing eng yaxshi toʻpurari boʻlishga muvaffaq boʻlgan. „Trabzonspor“ safidagi faoliyati davomida u ketma-ket mavsumlarda Turkiya kubogini qoʻlga kiritgan.

Rossiya

2006-yil iyul oyida u Sankt-Peterburgning „Zenit“ klubi bilan shartnoma imzolagan. 2006-yil 6-avgustda Tekke klubdagi debyutida gol urgan, u „Shinnik Yaroslavl“ga qarshi oʻyinda zaxiradan maydonga tushgan va jamoasining 1:0 hisobida gʻalaba qozonishida yordam bergan. Tekke UEFA kubogi guruh bosqichida AE Larissa ustidan 3:2 hisobida gʻalaba qozonilgan oʻyinda ham golga mualliflik qilgan. U 2008-yilgi UEFA kubogi finalida Rangers ustidan gʻalaba qozonishda yordam bergan. 2008-yil 21-oktyabrda Tekke Chempionlar ligasida BATE Borisov bilan 1:1 hisobidagi durang oʻyinda gol urib jamoasiga 1 ochko taqdim etgan. 2010-yilning 3-fevralida Tekke Qozonning „Rubin“ klubi bilan uch yillik shartnoma imzolagan. U Turkiyaga qaytib, Beshiktoshga oʻtishga qaror qilgunga qadar Qozonliklar safida faqat beshta oʻyin oʻtkazgan.

Turkiyaga qaytish

2010-yil 1-sentabrda Tekke Beshiktosh JK bilan ikki yillik shartnoma imzolagan, ammo u 2010-11-yilgi transfer oynasida Anqaragücüga yuborilgunga qadar jami ikkita oʻyinda maydonga tushgan. Anqaragücü safida oʻynagan beshta oʻyinda uchta gol urgan. 2011-yil yozgi transfer mavsumida yangi koʻtarilgan „Orduspor“ jamoasi Tekkeni Ankaragücüdan sotib olganini eʼlon qilgan. Tekkega 23 raqami va jamoa sardorligi berilgan. Koʻp oʻtmay Tekke futbolchilik faoliyatini yakunlagan.

Xalqaro faoliyati

Tekke Turkiya yoshlar toifasida U15, U16, U17, U18, U21 va Turkiya terma jamoasida ishtirok etgan. U-15 terma jamoasida u oltita oʻyin oʻtkazgan va birorta ham gol urmagan. U 16 yoshgacha boʻlgan futbolchilar uchun 18 ta oʻyin oʻtkazib, 5 ta gol urgan, shu bilan birga Irlandiyada boʻlib oʻtgan 16 yoshgacha boʻlgan futbolchilar oʻrtasidagi Yevropa chempionatida gʻolib chiqgan. U17 terma jamoasi safida u oʻnta oʻyin oʻtkazgan va birorta ham gol urmagan. U18 terma jamoasi safida 13ta oʻyin oʻtkazib, 5ta gol urgan. U21 uchun u faqat bitta oʻyinda maydonga tushgan.

1998—2007-yillar oraligʻida Tekke Turkiya terma jamoasi safida 25 ta oʻyin oʻtkazib, 9 ta gol urgan.

Fatih Tekke

Klubdagi faoliyati

Turkiya

Rossiya

Turkiyaga qaytish

Xalqaro faoliyati

Faoliyat statistikasi

Klub

Xalqaro maydondagi gollar

Yutuqlar

Manbalar