Fathnoma
Fathnoma — tarixiy asar. Doston. Shayboniylar tarixiga oid dastlabki manbalar jumlasiga kiradi. Fors tilida yozilgan. 2021-yil holatiga koʻra u biror-bir tilga tarjima qilinmagan.
Asar Mahmud sulton topshirigʻiga koʻra Mulla Shodiy tomonidan 1502-yilda yozilgan. Dostonda Muhammad Shayboniy dunyoga kelgan kundan boshlab to 1501-yil iyunigacha Oʻzbek ulusi va Movarounnahr hududida yuz bergan muhim siyosiy-harbiy voqealar keng yoritilgan. Asarda Muhammad Shayboniyning Turkiston, Andijon, Buxoro va Qarshi viloyatlaridagi harbiy harakatlari hamda qoʻshinlarni safga tortish borasidagi mahorati tasvirlangan. Jahon kutubxonalarida asarning 5 ta nusxasi mavjudligi aniqlangan. Qoʻlyozmaning bir nusxasi Toshkentda, OʻzR FA Sharqshunoslik institutining qoʻlyozmalar fondida saqlanmoqda.
Manbalar
Adabiyotlar
uz.wikipedia.org