Farida Yasmin (jurnalist)

Farida Yasmin (1963-yil 1-iyunda tugʻilgan) — Bangladeshlik jurnalistva muharrir boʻlishidan tashqari Jatiya Press Club prezidentidir. U The Daily Ittefaq gazetasining katta jurnalisti va Bangladesh Milliy matbuot klubining sobiq bosh kotibi. 2017-yilda u Bangladesh Press-klubining birinchi ayol bosh kotibi etib saylangan edi. U Milliy press-klubning sobiq qoʻshma kotibi boʻlib faoliyat olib borgan.

Avvalgi hayoti va taʼlimi

Uning otasi Shakhawar Hossain Bhuiyan, onasi esa Jahanara Hossain. U Narsingdi shahridagi Shibpur qizlar oʻrta maktabining oʻquvchisi boʻlgan edi. U Shibpur Qizlar oʻrta maktabidan SSC imtihonidan va Eden Mohila kollejidan HSC imtihonidan oʻtadi. Yasmin Dhaka universiteti magistraturasini tamomlagan.

Faoliyati

Yasmin 2011 va 2012-yillarda, Bangladesh Milliy press-klubining qoʻshma kotibi etib saylangan. 2013-yilda u sudlangan harbiy jinoyatchilar Abdul Quadir Molla va Muhammad Kamaruzzamann press-klubdan haydalganini eʼlon qilib, „Bir ovozdan qaror JPC boshqaruv qoʻmitasi yigʻilishida qabul qilingan“, deb aytadi. U South Asian Womenʼs Media Forumining qoʻshma kotibi va forumning taʼsischi aʼzosi edi. U Bangladeshda ayollar uchun nikoh yoshini 18 yoshda boʻlishi va shu yoshda ushlab turish haqida koʻp gapirdi.

2016-yilda Yasmin Dakka universiteti ommaviy kommunikatsiyalar va jurnalistika bitiruvchilari uyushmasining vitse-prezidenti etib tayinlanadi. U 2017-yil 1-yanvarda Jatiya Press-Clubining Bosh kotibi etib saylangan, u Jatiya Press-Clubining birinchi ayol bosh kotibi boʻlgan edi. U 2018-yil 18-dekabrda Jatiya press-klubi bosh kotibi lavozimiga yana qayta saylangan. U womeneye24.com muharriri va nashriyotchisi boʻlib faoliyat olib boradi. 2020-yil 31-dekabrda u Jatiya Press-klubining prezidenti etib saylanadi, prezident etib saylangan insonlar ichida birinchi ayol boʻlgan edi.

Nashr qilingan kitoblari

Shaxsiy hayoti

Yasmin 1990-yilda jurnalist Naem Nizom bilan turmush qurgan. Ularning Mohir Abror ismli bir o‘g‘li va Nujhat Purnata ismli 1 nafar qizi bor.

Manbalar

Havolalar

uz.wikipedia.org