Farer orollari Premier-ligasi
Farer orollari Premier-ligasi (shuningdek, homiylik sabab Betri Deildin kvinnur nomi bilan ham tanilgan) Farer orollarining ayollar futboli ligasining eng yuqori darajasi hisoblanadi. Farer orollari Premier-ligasi 2018-yilgacha
1. deild kvinnur deb atalgan (oʻshanda Farer ayollar futbolidagi eng yuqori pogʻona birinchi marta homiy nomi bilan atalgan). Farer orollari Premier-ligasiga yangi homiylik nomi
Betri Deildin kvinnur boʻldi va bu nom 2018-yildan 2022-yilgi mavsum oxirigacha besh yillik shartnoma asosida Farer orollari Premier-ligasining brend nomi boʻladi.
Farer orollari Premier-ligasi Farer orollari futbol assotsiatsiyasi tomonidan tashkil etilgan va birinchi marta 1985-yilda oʻtkazilgan. Farer orollari Premier-ligasi gʻolib jamoalari UEFA Ayollar Chempionlar Ligasiga yoʻllanma oladi.
Tarixi
Farer orollari Premier-ligasi birinchi marta 1985-yilda oʻtkazilgan. Dastlabki yillarda va 1990-yillar davomida Farer orollari Premier-ligasida Torshavn shahri jamoalari ustunlik qilgan, HB jamoasi yetti marta va B36 jamoasi esa toʻrt marta gʻalaba qozongan.
KÍ jamoasining ustunlik davri
KÍ jamosi 2000-yildan buyon Farer orollari Premier-ligasida ustunlik qilib, ketma-ket oʻn yetti marta gʻalaba qozondi. BU bilan jamoa ketma-ket chempion boʻlish boʻyicha yangi jahon rekordini oʻrnatdi.
Ustunlik shu qadar katta ediki, 2005-yilda ketma-ket oltinchi mavsum ligada gʻalaba qozonganidan soʻng bergan intervyusida KÍ jamoasi yarim himoyachisi Malena Jozephsen shunday dedi: "Biz maydonga tushganimizda, oʻyinda gʻalaba qozonishimizni bilamiz, yagona savol bu: qanday hisob bilan yutamiz. Biz bu ligada oʻynab, yaxshilanmayapmi".
Yangi chempion va homiylik shartnomasi
Ketma-ket toʻrt marta ikkinchi oʻrinni egallaganidan soʻng, EB/Streymur/Skala jamoasi 2017-yilda KÍ jamoasining 17 yillik gʻalabali seriyasini tugatdi va bu bilan UEFA ayollar chempionlar ligasida Farer orollari vakili boʻlgan ikkinchi klubga aylandi.
2018-yilgi mavsum uchun Farer orollari Premier-ligasi oʻzining birinchi homiylik shartnomasini qoʻlga kiritdi. FSF (Farer orollari futbol assotsiatsiyasi) bosh qarorgohida Torshavnda joylashgan sugʻurta kompaniyasi Betri Farer orollarida erkaklar va ayollar ligalariga homiylik qilishini eʼlon qildi.
Formati
2020-yilda ligada oltita jamoa ishtirok etdi va jami 20 tur davomida oʻzaro toʻrt marta oʻynadi. Ikkinchi divizion mavjud, ammo ikki divizion oʻrtasida koʻtarilish va pastga tushish tizimi hozircha yoʻq.
Hozirgi jamoalar
2020-yilda Farer orollari Premier-ligasida 2018-yildagi kabi oltita jamoa kurash olib boradi (oʻtgan mavsumdagi beshta jamoadan bir jamoa koʻproq), chunki Runavikning NSÍ klubining ayollar jamoasi Farer orollari Premier-ligasiga qoʻshildi.
Mavsumlar roʻyxati
Chempion jamoalar reytingi
Qalin yozilgan klublar hozirda ham da oʻynashmoqda.
Kursivdagi klublar boshqa klub bilan qoʻshib yuborilgan yoki ayollar futbolida hozirda mavjud emas.
Manbalar
Havolalar
uz.wikipedia.org