Faint

„ Faint “ (tarjimasi „Kuchsiz“) — „Linkin Park“ rok musiqa guruhining „Meteora“ nomli ikkinchi studiyaviy albomiga kiritilgan qoʻshiq. Qoʻshiq albomning ikkichi singli oʻlaroq 2003-yilning 9-iyunida chiqarilgan. „Faint“ albomga kiritilgan yettinchi qoʻshiqdir. Qoʻshiq kiritilgan xit-paradlarning deyarli barchasida yuqori 30 talik safiga kirdi. Hot 100 xit-paradida 48-pogʻonagacha koʻtarildi. Qoʻshiq AQShning Modern Rock Tracks xit-paradida birinchi oʻringa koʻtarildi va guruhning ushbu xit-paraddagi uchinchi 1-pogʻonaga koʻtarilgan xitiga aylandi.

Qoʻshiq keyinchalik guruhning Jay-Z bilan hamkorlikdagi „Collision Course“ mini-albomiga kiritildi. Bu versiyada „Faint“ „Vol. 2... Hard Knock Life“ albomiga kiritilgan „Jigga What“ qoʻshigʻi bilan miks qilindi. I, the Breather hamda Memphis May Fire metalcore guruhlari „Faint“ ashulasining kaverini yozdi. Shuningdek, Coldrain yapon metalcore guruhi aʼzosi Masato Hayakawa Crossfaith guruhi bilan hamkorlikda qoʻshiq kaverini yozdi.

„Faint“ „Linkin Park“ning eng taniqli va eng koʻp kaver qilingan qoʻshiqlaridan biri hisoblanadi. Qoʻshiq kirishi hamda asosiy gitara riffi koʻpchilikka tanish. Singlning muvaffaqiyati hamda Jay-Z bilan „Numb/Encore“ qorishmasi muvaffaqiyati tufayli MTV telekanali „Faint“ qoʻshigʻining Britney Spears ijrosidagi „Toxic“ qoʻshigʻi bilan miksini hozirladi.

Klipi

Qoʻshiq klipiga Mark Romanek rejissorlik qilgan boʻlib, u Los Angeles shahrida olingan. Unda „Linkin Park“ tomoshabinlar oldida hamda sofit fonida ijro etayotgani aks etgan. Video deyarli boshdan-oyoq guruhning ortidan tasvirga olingan. Kuchli yorugʻlik tufayli guruh aʼzolarining silueti koʻrinadi. Shuning uchun video davomida guruh aʼzolari chehrasi koʻrinmagan. Faqat soʻnggi naqoratda musiqachilarning yuzi koʻrsatilgan.

Faint

Klipi

Jamoa

Manbalar

Havolalar