Fahad al-Muwallad
Fahad Mosaed al-Muwallad (talaffuzi: Fahad Mosayid al-Muvallad) (arabcha: فهد المولد) (1994-yil 14-sentyabrda tugʻilgan) — professional futbolchi. Fahad al-Muwallad hozirda „Al Shabab“ futbol klubida qanot himoyachisi sifatida oʻynaydi.
Klublardagi faoliyati
Al-Ittihad
Fahad al-Muwallad "Al Ittihad" futbol klubi safida oʻynagan. 2012-yil 2-avgustda Fahad al-Muwallad klub safidagi oʻzining birinchi golini „Al Raed“ futbol klubiga qarshi oʻyinda (2:2) kiritdi. 2012—2013-yilgi mavsumda Fahad al-Muwallad „Al Ittihod“ futbol klubi uchun qanotdan koʻp gol urganidan soʻng, Osiyo futbolidagi eng katta isteʼdodlardan biri sifatida tanildi. Fahad al-Muwallad atigi 17 yoshida nufuzli Osiyo Chempionlar ligasi chorak finalida Marcelo Lippi boshchiligidagi „Guangzhou Evergrand“ futbol jamoasiga qarshi o‘yinda „ Al Ittihod“ futbo klubini yarim finalga olib chiqqan hal qiluvchi golni kiritishga muvaffaq boʻldi. Fahad al-Muwallad, shuningdek, Chempionlar kubogi doirasidagi uchrashuvlarda ham oʻzining mahoratini namoyish qildi. Musobaqada Fahad al-Muwallad avvaliga „Al Ittihod“ klubining yarim finalda „Al Fateh“ klubi ustidan, soʻngra finalda „Al Shabab“ futbol klubi ustidan (4:2 hisobida) gʻalaba qozonishiga yordam berdi. Keyinchalik Fahad al-Muwallad butun turnir davomida futbol maydonidagi chiqishlari tufayli daromadlari hisobiga Chempionlar kubogidagi MVP (eng qimmat o'yinchi) deb topildi.
Fahad al-Muwallad, shuningdek, Osiyo Chempionlar ligasida Osiyoning eng yaxshi jamoalariga qarshi oʻyinda katta taassurot qoldirdi. 2014-yil 13-may kuni Fahad al-Muwallad Qirol Fahd xalqaro stadionida o‘ynagan Saudiya Arabistonining „Al Shabab“ futbol jamoasiga qarshi hal qiluvchi 16-tur uchrashuvida 2 ta gol urishga muvaffaq boʻldi. Fahad al-Muwallad 2013—2014-yilgi mavsumni barcha musobaqalarda 36 uchrashuvda 5 gol bilan yakunladi. Fahad al-Muwalladni „Al Ittihod“ klubi bosh murabbiyi Kholid Al Koroni joriy mavsumda koʻproq golli uzatma berib oʻz oʻyinini yaxshilagani uchun maqtadi va Fahadni „ajoyib isteʼdod egasi“ deb taʼrifladi.
Fahad al-Muwallad 2014—2015-yilgi oʻzining yangi mavsumdagi ilk golini „Qirol Abdul Aziz“ stadionida „Al Faisaly“ futbol klubiga qarshi uchrashuvda (2:1 hisobida gʻalaba) kiritdi. Ushbu mavsumdagi keyingi oʻyinlaridan soʻng, „Al Ittihod“ futbol klubi bosh murabbiyi Viktor Pițurca Fahad al-Muwalladning so‘nggi gollarini „qahramonlik“ deb taʼrifladi va „Fahad kundan-kunga yaxshilanmoqda, agar u shunday o‘ynashda davom etsa, uzoqqa boradi“ — dedi. Fahad al-Muwallad 2014—2015-yilgi mavsumni 24 uchrashuvda 10 ta gol bilan yakunladi va Saudiya Professional ligasi va Chempionlar kubogidagi ajoyib oʻyinlari uchun ekspertlar olqishiga sazovor boʻldi.
Xalqaro oʻyinlardagi faoliyati
2018-yil may oyida Fahad al-Muwallad Saudiya Arabistoni milliy futbol terma jamoasining Rossiyada boʻlib oʻtadigan 2018-yilgi FIFA Jahon chempionati uchun tuzilgan dastlabki tarkibidan joy oldi. Biroq, Fahad al-Muwalladning mundialdagi oʻyini yaxshi natija bilan yakunlanmadi. Saudiya Arabistoni Rossiyaga 0:5 va Urugvayga 0:1 hisobida yutqazib, guruh bosqichida magʻlub boʻldi.
2022-yilda Fahad al-Muwallad doping ishi tufayli Saudiya Arabistoni milliy futbol terma jamoasining 2022-yilgi Jahon chempionati uchun shakllantirilgan tarkibidan olib tashlandi.
Faoliyat statistikasi
Klub
Manbalar
uz.wikipedia.org