Fabián Castillo

Fabián Andrés Castillo Sánchez (talaffuzi: Fabian Andres Kastillo Sanches) 1992-yil 17-iyunda Kolumbiyada tavallud topgan. Kolumbiyalik futbolchi „Querétaro“ klubi va Kolumbiya milliy futbol jamoasida hujumchi sifatida oʻynaydi.

2015-yilning iyul oyida Castillo Sánchez Qoʻshma Shtatlarda muqim yashash ruxsatnomasini oldi.

Jamoalardagi faoliyati

Castillo Sánchez „Deportivo Cali“ klubi tarbiyalanuvchisi hisoblanadi. 2010-yilning 7-fevralida u Mustang kubogida „Millonarios“ga qarshi debyut qildi. 19-iyul kuni „Deportes Tolima“ga qarshi kechgan bahsda u yangi klubi safidagi ilk golini urdi. Oʻzining birinchi mavsumida Castillo Sánchez jamoaga Kolumbiya kubogini yutishda yordam berdi.

2011-yil boshida Castillo Sánchez Amerikaning „Dallas“ jamoasiga koʻchib oʻtdi. Shartnoma 3 yilga tuzilgan, transfer summasi 800 ming dollarni tashkil qilgan. 27-mart kuni „San Jose Earthquakes“ga qarshi Castillo Sánchez MLSda debyut qildi. 2-may kuni „Los Angeles Galaxy“ga qarshi kechgan bahsda Castillo Sánchez „Dallas“ uchun birinchi golini urdi.

2016-yilning yozida Castillo Sánchez Turkiyaning „Trabzonspor“ jamoasiga oʻtdi. 20-avgust kuni „Kasımpaşa“ga qarshi oʻyinda u Turkiya Superligasida debyut qildi.

Xalqaro faoliyati

2009-yilda Castillo Sánchez Nigeriyada boʻlib oʻtgan yoshlar oʻrtasidagi jahon chempionatida toʻrtinchi oʻrinni egalladi. Turnirda u Gollandiya, Eron, Argentina, Turkiya va Ispaniyaga qarshi oʻyinlarda ishtirok etgan.

2011-yilda Castillo Sánchez Janubiy Amerika yoshlar chempionati uchun Peruga yoʻl oldi. Turnirda u Chili, Argentina, Paragvay, Urugvay, Boliviya va ikki marta Ekvador va Braziliya jamoalariga qarshi oʻyinlarda maydonga tushgan.

Oʻsha-yilning yozida Castillo yoshlar oʻrtasidagi jahon chempionatida ishtirok etdi. Turnirda u Mali va Meksika jamoalariga qarshi oʻyinlarda maydonga tushdi.

2015-yil 9-sentabr kuni Peruga qarshi o‘rtoqlik o‘yinida Castillo Sánchez Kolumbiya terma jamoasi safida debyut qildi.

Jamoalari

Manbalar

uz.wikipedia.org