Even Xovland

Even Hovland (talaffuzi: Even Xovland; 1989-yil 14-fevralda tugʻilgan) — norvegiyalik professional futbolchi, Häcken va Norvegiya terma jamoasida markaziy himoyachi sifatida oʻynaydi.

Klublardagi faoliyati

Yoshligida Hovland mahalliy „Vadheim IL“ va IL Høyang klublarida oʻynagan, 2007-yilda „Sogndal“ga qoʻshilgan. Hønefossga qarshi 2009-yilgi mavsumning ochilish oʻyiniga tayyorgarlik paytida Hovland oyogʻini sindirib oldi va deyarli butun mavsumni oʻtkazib yubordi. 2009—2010-yillarda Hovland „Manchester United“ bilan shartnoma tuzmoqchi boʻlgan, ammo amalga oshirilmagan.

Hovland 2012-yilgi mavsum oldidan Molde FKga qoʻshildi. 2012—2013-yilgi UEFA Chempionlar ligasi saralash bosqichida „Basel“ ga qarshi oʻyinda jarohat oldi va 25-daqiqadan soʻng maydonni tark etishga majbur boʻldi. Tizzasidagi jarohati tufayli 2012-yilgi mavsumning qolgan qismida oʻynay olmadi.

2014-yil 14-iyunda Molde rahbariyati Hovland Germaniyaning 1. FC Nürnberg klubi bilan uch yillik shartnoma imzolaganini eʼlon qildi. 2017-yil 11-sentyabrda Hovland Nürnbergdan Sogndal klubiga oʻtdi. „Sogndal“da 2020-yilgacha shartnoma imzolagan edi.

2018-yilning 4-aprelida Rosenborg Hovland klub bilan uch yarim yillik shartnoma imzolaganini eʼlon qildi.

2021-yil 28-dekabrda Hovland Häcken bilan ikki yillik shartnoma imzoladi.

Xalqaro faoliyati

2011-yilning 11-oktyabrida Hovland Norvegiya terma jamoasining Yevro-2012 saralashi doirasidagi Kiprga qarshi oʻyiniga tarkibga kiritildi. Chunki Brede Hangeland sariq kartochkalari tufayli diskvalifikatsiya qilingan edi. Hovland 2012-yilning 15-yanvarida Daniyaga qarshi oʻrtoqlik oʻyinida (1:1) professional terma jamoasi safida debyut qildi. 2012-yil 29-fevralda Norvegiyaning Shimoliy Irlandiyaga qarshi o‘rtoqlik uchrashuvidan bir kun oldin Hovland yana Norvegiyaga Brede Hangeland o‘rniga chaqirildi, biroq Hovland o‘sha kuni Ispaniyada „Molde“ bilan mavsumoldi o‘yinlarini o‘tkazayotganligi uchun bora olmadi.

Shaxsiy hayoti

Hovlandning singlisi Stine Hovland ham xalqaro toifadagi futbolchi, amakivachchasi Viktor esa xalqaro toifadagi golfchi.

Faoliyat statistikasi

27-avgust, 2022-yil holatiga koʻra

Yutuqlari

Molde

Rosenborg

BK Häcken

Individual

Manbalar

uz.wikipedia.org