Ermin Bičakčić
Ermin Bičakčić (talaffuzi: Ermin Bichakchich; 1990-yil 24-yanvarda tugʻilgan) — Bosniyalik professional futbolchi, Bundesliganing 1899 Hoffenheim klubi va Bosniya va Gersegovina terma jamoasida markaziy himoyachi sifatida oʻynaydi.
Bičakčić professional faoliyatini VfB Stuttgartda boshlagan, asosan uning zaxira jamoasida oʻynagan. 2012-yilda Eintracht Braunschweigga qoʻshilgan. Ikki yil oʻtgach, 1899 Hoffenheimga koʻchib oʻtdi.
Bičakchić oʻzining birinchi yirik chempionati — 2014-yilgi FIFA Jahon chempionatida mamlakatini himoya qildi.
Klublardagi faoliyati
Ilk faoliyat davri
Bosniya urushi boshlangani sababli Bičakčićning oilasi oʻzining vatani Bosniya va Gersegovinadan Germaniyaga koʻchib oʻtdi va u yerda 2005-yilda VfB Stuttgart yoshlar akademiyasiga qoʻshildi. 2010-yil 27-oktyabrda 20 yoshida Chemnitzer FCga qarshi professional debyutini oʻtkazdi. 2011-yil 29-iyulda Wehen Wiesbadenga qarshi gʻalabali oʻyinda oʻzining birinchi professional golini kiritdi.
2012-yilning yanvarida Eintracht Braunschweigga oʻtdi.
2014-yilning may oyida Bičakčić nomaʼlum toʻlov evaziga „1899 Hoffenheim“ga oʻtdi. 17-avgust kuni „USC Paloma“ga qarshi DFB-Pokal oʻyinida jamoa safida debyut qildi va gol urishga muvaffaq boʻldi. Bir hafta oʻtgach, „Augsburg“ ga qarshi oʻyinda ligadagi debyutini oʻtkazdi. 2015-yilning 4-fevralida oʻzining birinchi ligadagi golini „Werder“ga urdi.
2016-yilning sentabrida Ermin shartnomasini 2020-yilning iyunigacha uzaytirdi.
2018-yil 23-oktabrda Bičakčić UEFA Chempionlar Ligasidagi Lyonga qarshi bahsda debyut qildi.
Ermin 19-dekabr kuni jamoadagi 100-oʻyinini oʻtkazdi.
Bičakčić 2019-yilning may oyida klub bilan yangi uch yillik shartnoma imzoladi.
2020-yil sentabr oyida tizzasidan ogʻir jarohat oldi va 2022-yil 14-may kuni jarohatdan 19 oy oʻtib maydonga qaytdi.
Iyun oyida yangi bir yillik shartnomaga imzo qoʻydi.
Xalqaro faoliyati
2013-yilning avgust oxirida AQShga qarshi oʻrtoqlik oʻyini uchun birinchi marta chaqiruv oldi va 14-avgust kuni oʻsha oʻyinda debyut qildi.
10-sentabr kuni, 2014-yil FIFA Jahon chempionati saralashida Slovakiyaga qarshi oʻyinda Bičakčić oʻzining terma jamoasidagi birinchi golini urdi.
2014-yil iyun oyida Bičakčić Bosniya va Gersegovina terma jamoasining 2014-yilgi futbol boʻyicha Jahon chempionatiga, mamlakatning birinchi yirik musobaqasiga kiritildi. Turnirdagi debyutini 15-iyun kuni Argentinaga qarshi guruhdagi dastlabki oʻyinda oʻtkazdi.
Faoliyat statistikasi
Klub
14-may, 2022-yilgi holat boʻyicha[23]
Xalqaro
7-sentyabr, 2020-yilgi holat boʻyicha[24]
Ballar va natijalar birinchi boʻlib Bosniya va Gersegovinaning gollari roʻyxatini koʻrsatadi, ballar ustuni Bičakchichning har bir golidan keyin ochkoni koʻrsatadi.
Manbalar
uz.wikipedia.org