Enzo Roco

Enzo Pablo Roco Roco (talaffuzi: Enzo Pablo Roko Roko) — 1992-yil 16-avgustda Chilining Santyago shahrida tugʻilgan. „Elche“ klubi va Chili terma jamoasi himoyachisi hisoblanadi.

Jamoalardagi faoliyati

Enzo Roco oʻz faoliyatini „Universidad Católica“ klubida boshlagan. 2011-yilning 8-may kuni „Unión Española“ klubiga qarshi oʻyinda u Chili chempionatida debyut qildi. 5-iyun kuni „Unión La Calera“ klubiga qarshi oʻyinda Enzo Roco „Universidad Católica“ safida oʻzining birinchi golini urdi. 2010-yilda u Chili chempioni boʻldi va bir yildan soʻng jamoaga mamlakat kubogini yutishda yordam berdi. 2014-yilning yozida Enzo Roco Ispaniyaning „Elche“ jamoasiga ijaraga oʻtdi. 1-sentabr kuni „Granada“ klubiga qarshi oʻyinda u La Ligada debyut qildi.

2015-yilning yozida Enzo Roco „Espanyol“ klubiga oʻtdi. 19-sentabr kuni „Real Sociedad“ga qarshi oʻyinda u yangi jamoada debyut qildi. Oʻsha oʻyinda Enzo Roco „Espanyol“ safidagi ilk golini raqib darvozasiga kiritdi.

2016-yilda Enzo Roco „Cruz Azul“ klubiga qoʻshildi. 17-iyul kuni „Necaxa“ klubiga qarshi oʻyinda u ikkinchi boʻlimda hamyurti Fransisko Silvani oʻrniga almashtirilib, Meksika Primerasida debyut qildi. 18-sentabr kuni „Chiapas“ klubiga qarshi duelda Enzo Roco „Cruz Azul“ safida birinchi golini urdi.

Xalqaro karyerasi

2012-yilning 16-fevralida Enzo Roco Chili terma jamoasi safida Paragvayga oʻrtoqlik oʻyinida debyut qildi. 2012-yil 21-mart kuni Peru terma jamoasiga qarshi uchrashuvda Enzo Roco terma jamoadagi ilk golini urdi.

2016-yilning yozida Enzo Roco AQSHda boʻlib oʻtgan Amerika kubogida gʻolib chiqdi. Turnirda u Panama va Meksika terma jamoalariga qarshi oʻyinlarda ishtirok etgan.

2017-yilda Enzo Roco Rossiyada boʻlib oʻtgan Konfederatsiyalar kubogining kumush medali sohibiga aylandi. Turnirda u zaxiradan maydonga tushmadi.

Statistikasi

Chili safidagi gollari

Manbalar

uz.wikipedia.org