Enzo Francescoli

Enzo Francescoli (ispancha: Enzo Francescoli Uriarte)-urugvaylik futbolchi,yarim himoyachi va hujumchi.U 1961-yil 12-noyabrda Urugvayning Montevideo shahrida tugʻilgan.

Francescoli Urugvay futboli tarixidagi eng koʻzga koʻringan futbolchilardan biri.Urugvay terma jamoasi safida 73 ta oʻyin oʻtkazib 17ta gol urgan.

Ayni paytda u GOL TV konserni vitse-prezidenti boʻlib, media-biznes bilan shugʻullanadi.

Faoliyati

Enzo Francescoli oʻz faoliyatini kichik „Kadis Xuniors“ jamoasida boshlagan.U yerdan u „Penyarol“ga oʻtishga harakat qildi, ammo sogʻligʻi tufayli klubga mos kelmadi.Yosh futbolchining Kadisdagi oʻyinlari sabab 1978-yilda boshqa bir poytaxt jamoasi „Uonderers“ eʼtiborini tortib, uni jamoaga taklif qilishdi. 1980-yildan Enzo jamoaning asosiy tarkibida oʻynay boshlaydi.Oʻsha mavsum „Uonderers“ klubi chempionatda 2-oʻrinni egalladi va bu natija klubning 1932-yildan beri koʻrsatgan eng yaxshi natijasi edi. Keyingi ikki mavsumda klub ketma-ket 4 va 5-oʻrinlarni egallab turdi. „Uonderers“ bilan atigi uch mavsumda Francescoli 79 ta oʻyinda maydonga tushib,20 ta gol urishga muvaffaq boʻldi.

1983-yilda Enzo Argentinaning „River Pleyt“ klubi bilan shartnoma imzoladi va futbolchining transferi uchun argentinaliklar 360 000 dollar toʻladi.

Enzo faoliyati davomida quyidagi jamoalarda toʻp surgan:

1974-1978-yillar."Kadis Xuniors"

1978-1980-yillar."Uonderers" yoshlar jamoalarida.

1980-1982-y."Uonderers" 74 (20)

1983-1986-y. „River Pleyt“ 81 (43)

1986-1989-y. „Rasing“ Parij 89 (32)

1989-1990-y."Olimpik"Marsel 26 (11)

1990-1993-y."Kalyari" 98 (17)

1993-1994-y."Torino" 24 (3)

1994-1997-y."River Pleyt" 84 (47)

1982-1997-yillar davomida terma jamoadagi faoliyatida 73 ta oʻyin oʻtkazib 17 ta gol urgan.

Zinedin Zidanning soʻzlariga koʻra, Francescoli yoshligida uning sevimli futbolchisi boʻlgan.Zidan hatto oʻgʻliga Francescoli sharafiga Enzo deb ism qoʻydi.

Yutuq va mukofotlar

Manbalar

Havolalar

uz.wikipedia.org