EMU

EMU, emular — yuguruvchi qushlar turkumiga mansub oila. Hozirgacha saqlanib qolgan bir turi — Emu Avstraliyaning cho’l va dashtlaridagi butazorlarda yashaydi; Tasmaniya orolida o’tgan asrda qirilib ketgan. Bo’yi 170 santimetrgacha, og’irligi 55 kilogrammgacha. Qo’ng’irkulrang tusda. Monogam. Uyasini nari barg, o’t, shoxshabbalardan yasaydi. 8-10 ta tuxum qo’yadi. Tuxumining kattaligi 13×9 santimetr. Nari 8 haftaga yaqin tuxum bosadi. 2 yilda voyaga yetadi. Meva, urug’ va mayda hayvonlar bilan oziqlanadi. Soni kamayib bormoqda. Tabiatni muhofaza qilish xalqaro Ittifoqi qizil kitobiga kiritilgan.

Manba

O'zbekiston Milliy Ensiklopediyasi