Emir Bajrami
Emir Bajrami (talaffuzi: Emir Bayrami; 1988-yil 7-mart kuni Yugoslaviyaning Prishtina shahrida tugʻilgan) — shvetsiyalik futbolchi, „Elfsborg“ futbol klubining chap qanot himoyachisi.
Xalqaro faoliyati
2003-yil dekabr oyida Bajrami birinchi marta Shvetsiyaning 15 yoshgacha boʻlgan futbol jamoasiga chaqirildi. U 2006-yil 8-iyunda 18 yoshgacha boʻlgan yoshlar terma jamoasidagi birinchi oʻyinini AQShdagi tengdoshlariga qarshi oʻtkazdi. U 2007-yilgi (19 yoshgacha boʻlgan yoshlar oʻrtasidagi) Yevropa chempionati saralash turnirida 4 ta o‘yin o‘tkazdi: birinchi saralash bosqichida 1 ta o‘yin va ikkinchi saralash bosqichida 3 ta o‘yin oʻtkazgan.
2007-yilning oktyabr oyida Emir Bajrami ilk bor Shvetsiya (21 yoshgacha boʻlgan yoshlar oʻrtasidagi) terma jamoasiga chaqirilgan. U yoshlar terma jamoasidagi debyutini 2007-yilning 12-oktyabrida Irlandiya terma jamoasi bilan oʻrtoqlik uchrashuvida oʻtkazdi. Keyingi oʻyinda, 2007-yil 16-oktyabrda Belgiyaga qarshi oʻyinda Bajrami gol urdi va golli uzatmani amalga oshirdi. 2009-yilgi yoshlar oʻrtasidagi Yevropa chempionatida qatnashgan, u yerda Shvetsiya yarim finalga qadar yetib borgan. Bajrami 2011-yilgi yoshlar oʻrtasidagi Yevropa chempionati saralash turnirida yoshlar jamoasida oʻynagan. 2009-yil 9-sentyabrda Bolgariya yoshlar terma jamoasi darvozasiga gol urdi. 2010-yil 2-mart kuni Portugaliya bilan oʻrtoqlik oʻyinida Bajrami birinchi marta yoshlar terma jamoasi sardori boʻldi. 2010-yil iyun oyida Isroil va Chernogoriyaga qarshi saralash bahslarida u yana sardorlik qildi. 2010-yil 8-iyun kuni Chernogoriyaga qarshi saralash bahsi Bajramining 2011-yilgi yoshlar o‘rtasidagi Yevropa chempionati final bosqichiga chiqa olmagan Shvetsiya yoshlar terma jamoasi uchun so‘nggi o‘yini bo‘ldi.
2009-yilning dekabrida Emir Bajrami Erik Hamren tomonidan Shvetsiya terma jamoasiga yanvar oyida yillik turnirga chaqirildi, unda faqat Skandinaviya klublari futbolchilari qatnashdi. 2010-yilning 20-yanvarida Ummon terma jamoasi bilan ushbu turning birinchi oʻyini Bajramining terma jamoadagi debyuti boʻldi. Bu uchrashuvda jami 10 nafar futbolchi debyut qildi.
Statistikka
Manbalar
uz.wikipedia.org