Elmira Bositxonova
Elmira Erkinovna Bositxonova (tugʻ. 10-noyabr 1958-yil, Toshkent, Oʻzbekiston SSR, SSSR) — oʻzbek shifokor, davlat arbobi va siyosatchi. 2020-yil yanvar oyida Oʻzbekiston Respublikasi Prezidenti Shavkat Mirziyoyev uni IV chaqiriq Oʻzbekiston Respublikasi Oliy Majlisi Senati aʼzosi etib tayinladi.
Biografiya
1981-yilda Toshkent davlat tibbiyot institutining „Davolash“ yoʻnalishini tamomlagan.
1981-yildan 2011-yilgacha Respublika shoshilinch tibbiy yordam ilmiy markazida turli lavozimlarda ishlagan.
2011-yil iyun oyida Oʻzbekiston Respublikasi Bosh vazirining oʻrinbosari — Oʻzbekiston Xotin-qizlar qoʻmitasi raisi etib tayinlandi.
2016-yil 12-dekabridan Oʻzbekiston Respublikasi sogʻliqni saqlash vazirining oʻrinbosari.
2019-yil iyundan 2020-yil 19-fevralgacha Oʻzbekiston bosh vazirining oʻrinbosari — Oʻzbekiston Xotin-qizlar qoʻmitasining raisi boʻlgan.
2020-yilda Oʻzbekiston Mahalla va oilani qoʻllab-quvvatlash vazirning birinchi oʻrinbosari.
2020-yil 3-iyundan boshlab Oʻzbekiston sogʻliqni saqlash vazirining birinchi oʻrinbosari.
Manbalar
uz.wikipedia.org