Elley Duhe
Elley Frances Duhe (1992-yil 14-fevralda tugʻilgan) — amerikalik qoʻshiqchi. U Alabama shtatining Mobile shahrida tugʻilgan. 2018-yilda Amerika Qo‘shma Shtatlarda platina sertifikatini olgan „Happy Now“ qoʻshigʻini Zedd bilan birgalikda kuylangan va 2022-yilda TikTok’da keng tarqalgan „Middle of the Night“ qoʻshigʻi bilan mashhur boʻlgan.
Biografiyasi
Birinchi marta otasi Elleyga 14 yoshida gitara sovgʻa qilgan, shundan keyin u 15 yoshidan oʻz faoliyatini kafelarda qoʻshiq aytish bilan boshlagan. Uning sanʼatga kirib kelishida musiqachi otasi va amakilari oʻrni katta boʻlgan. Barlarda, restoranlarda va ommaviy bazmlarda pullik konsertlar berishni toʻxtatgandan soʻng, u maktabdan ketadi va oʻz ustida 3 yil ishlab, GED olgandan soʻng, Nashville, Los-Anjeles va Ostinda milliy tadbirlarda chiqish qilish uchun yetarli darajada mashhur edi. U 2012-yilda The Voice ning ikkinchi mavsumida kichik chiqishlar qildi, ammo tanlovda gʻolib boʻlmadi. Faoliyatining boshida u "L. E.D "nomi bilan chiqishlar qilgan. Hozirda u Los-Anjelesda yashaydi.
Uning 2016-yil oktabr oyida prodyuser Tarro bilan birgalikda kuylangan „Millenium“ qoʻshigʻi YouTubeʼda ikki million marta ko‘rilgan va Spotify’da 1,4 million marta uzatilgan.
2016-yil dekabr oyida yakkaxon tarzda ijro etilgan „Immortal“ nomli premyera qoʻshigʻi You Tube da millionga yaqin tomosha qilinib, Spotifyda 4,5 milliondan ortiq uzatildi.
U keyingi ILLA va Cool & Dre (Christina Milian, Lil Wayne) tomonidan yozilgan „Fly“ nomli qoʻshigʻi 2017-yil iyul oyida ommaga taqdim etadi.
2018-yil iyul oyida rus-germaniyalik prodyuser Zedd bilan „How Now“ nomli qoʻshiqni birgalikda ijro etishdi.
Qoʻshiqchi 2018-yil 3-avgustda Griffin bilan birgalikda ijro etgan „Tie Me Down“ qoʻshigʻini ommaga taqdim etdi. 2018-yil 10-avgustda u Dragon Mentality EP nomli qoʻshigʻini, 2021-yilda esa „Kids of the Night“ filmini, shuningdek, 2022-yilda Meduza, Jeyms Karter va Fast Boy bilan birgalikda „Bad Memories“ qoʻshigʻini chiqardi. Oʻsha yili uning 2020-yilgi „Middle of the Night“ qoʻshigʻi uni muvaffaqiyatga erishishiga sababchi boʻldi. Oʻsha yozda u beatBread bilan „seven-figure artist funding deal“ shartnomasinini imzoladi.
Diskografiyasi
Kengaytirilgan ijrolari
Yakkaxon ijrolari
Asosiy qoʻshiqchi sifatida
Taniqli qoʻshiqchi sifatida
Eslatmalar
Manbalar
uz.wikipedia.org