ELEKTR-MASHINA GENERATORI
ELEKTR-MASHINA GENERATORI — aylanishlar mexanik energiyasini o’zgarmas yoki o’zgaruvchan tokka aylantiruvchi qurilma. Mexanik energiya birlamchi dvigatel (bug’yoki gaz dvigatellari, gidroturbinalar, ichki yonuv dvigateli) dan olinadi. Ba’zan, Elektr-mashina generatorining valini aylantirish uchun elektr dvigatel ishlatiladi. Bunday holda Elektr-mashina generatori elektr dvigatel bilan birga tok turini o’zgartirib, masalan, o’zgaruvchan tokni o’zgarmas tokka aylantirib yoki bir xil chastotali elektr tokini boshqacha xil chastotali elektr tokiga aylantirib beradi.
Manba
O'zbekiston Milliy Ensiklopediyasi
Uzpedia.uz