Eldor Shomurodov
Eldor Azamat oʻgʻli Shomurodov (1995-yil 29-iyunda; Jarqoʻrgʻon, Surxondaryo viloyati, Oʻzbekiston) — oʻzbek futbolchisi, hujumchi, Italiya A seriyasining „Cagliari“ klubi hamdaOʻzbekiston milliy terma jamoasi futbolchisi.
Futbolchilik faoliyati
Mashʼal
Shomurodov 6 yoshida futbol bilan shugʻullanishni boshladi. 11 yoshida Termizdan 300 km shimolda joylashgan Muborak shahrida „Mash’al“ futbol klubi akademiyasida oʻqishni boshladi. 19 yoshida 2014-yilda asosiy tarkibga jalb etila boshlandi va oʻsha mavsumda oʻnta uchrashuv oʻtkazdi va „Mashal“ Oʻzbekiston chempionatida beshinchi oʻrinni egalladi. Bungacha yoshlar jamoasida oʻynagan, shuningdek, Oʻzbekiston yoshlar jamoasiga jalb qilingan.
Bunyodkor
2015-yil boshida Eldor Toshkentning „Bunyodkor“ jamoasiga koʻchib oʻtgan va u yerda 2017-yil iyun oyigacha oʻynagan. Hammasi boʻlib Shomurodov 96 ta oʻyin oʻtkazdi, 20 ta gol urdi (Oʻzbekiston Oliy Ligasi, Oʻzbekiston Kubogi va OChLda). „Bunyodkor“ bilan birgalikda Shomurodov Oʻzbekiston kubogi finalchisiga aylandi, shuningdek, Oʻzbekiston chempionatida kumush medallarni qoʻlga kiritdi.
2015-yil oxirida Shomurodov OFKning „Osiyoning eng yaxshi yosh futbolchisi“ unvoniga nomzodlar qatoridan joy oldi, ammo yakunda Shomurodov bilan tengdosh jamoadoshi Dostonbek Hamdamov gʻolib boʻldi.
Rostov
2017-yil iyul oyida Shomurodov Rossiyaning „Rostov“ klubiga koʻchib oʻtdi va jamoa bilan 2,5 yillik shartnoma imzoladi. Shomurodov Rossiya chempionatidagi debyutini 2017-yil 30-iyulda uchinchi turda „Amkar“ ga qarshi safar oʻyinida amalga oshirdi — 88-daqiqada zaxira oʻyinchisi sifatida maydonga tushdi. Oʻyin natijasi 1:0 hisobi bilan yakunlandi. 2019-yil may oyi oxirida Rostov jamoasi Shomurodov bilan shartnomani uch yilga uzaytirdi, 7-iyun kuni esa shartnoma besh yilga uzaytirildi.
2019-yil avgust oyida Shomurodov Rossiya Premyer-ligasining oyning eng yaxshi futbolchisi deb topildi. 2019/20 yilgi mavsumda Eldor Rossiya chempionatining 28 uchrashuvida 11 ta gol urdi.
Jenoa
2020-yil 1-oktyabrda Shomurodov Italiyaning „Jenoa“ klubi bilan shartnoma imozlagan. Shomurodov Italiya chempionatida Ilyos Zeytullaevdan keyin tarixdagi ikkinchi oʻzbek futbolchisi boʻldi. 19-oktyabr kuni Shomurodov A Seriyada debyut uchrashuvini oʻtkzishga muvaffaq boʻlgan. Bu oʻyinda Jenoa klubi „Verona“ ga qarshi baxs olib borgan, Eldor Shomurodov oʻyinni asosiy tarkibda boshlagan va 90-daqiqa davimida harakat qilgan. 30-noyabr kuni A Seriyaning „Parma“ ga qarshi oʻyinining ikkinchi yarmida Eldor „Jenoa“ tarkibidagi ilk golini urishga muvaffaq boʻlgan. U oʻzining birinchi Italiya mavsumini umumiy 32 oʻyinda 8 ta gol bilan yakunlagan — shundan 5 tasi A Serianing soʻnggi 6 oʻyinida raqib darvozasiga kiritilgan.
Roma
Eldor 2021-yilning yozgi transfer oynasida 18 million € evaziga „Jenoa“dan „Roma“ jamoasiga transfer qilingan. U 2021-yil 3-avgustda Roma bilan 5 yillik shartnoma imzoladi. Shartnoma 2026-yilning 30-iyunigacha amal qilishi belgilab qoʻyildi. 19-avgustda Eldor UEFA Konferentsiyalar Ligasi doirasida „Trabzonspor“ ga qarshi oʻyinda (1:2) debyutini oʻtkazdi va bu oʻyinda „Roma“ uchun birinchi va gʻalaba golini kiritdi. „Roma“ tarkibidagi daslabki mavsumida 40 ta uchrashuvda 5 ta gol urdi va boʻrilar safida UEFA Konferensiyalar Kubogida goʻlib chiqdi. Bu borada UEFA tasnifidagi kubokni qoʻlga kiritgan Vitaliy Denisovdan soʻng ikkinchi futbolchi boʻldi.
2022-yil 28-iyul kuni „Roma“ oʻzining mavsumoldi yigʻini doirasida „Tottenhem“ga qarshi nazorat oʻyinida ishtirok etish uchun Isroilning Tel-Aviv shahriga yoʻl oldi. Mazkur yigʻinga Shomurodov jalb etilmadi. U murabbiylar shtabining qarori tufayli Rimda qoldi. 2022-23-yilgi mavsumni „Roma“ klubi takibida boshladi ammo kam oʻyin amaliyoti tufayli qishgi transfer oynasi vaqtida Italia A Seriasining boshqa bir jamoasi „Spezia“ klubiga ijara asosida oʻtgan.
Spezia
2023-yilning 30-yanvarida, bir yarim yil davomida u Giallorossi safida kuchli raqobat va kam oʻyin amaliyoti tufayli, Speziaga 1.5 million € evaziga ijaraga berildi.. Speziada ijara asosida oʻynab yurgan vaqtida Eldorga Turkiya Super ligasi 2022—2023-yilgi mavsum chempioni, Okan Buruk boshchiligidagi Galatasaray jamoasi qiziqish bildirgan va Romadan Eldorni sotib olishga harakat qilgan. Keyinchalik Eldorga Moskvaning Spartak jamoasi taklif bilan chiqqan, biroq Shomurodov Rossiya premyer ligasida oʻynashni rad etgan.
Cagliari
Spezia jamoasidagi ijara shartnomasi yakunlangach, Eldor Italiya va yevropaning bir qator jamoalaridan takliflar boʻlgan. Bu takliflar orasidan Italiyaning „Cagliari“ jamoa taklifini qabul qildi va 2023-yil 27-iyul sanasida 1+3 asosida shartnoma imzolagan. Shartnomada dastlabki mavsumini ijara asosida oʻtkazadi va keyinchalik „Roma“ jamoasidan sotib olish huquqi bilan 3 yillik uzaytirish imkoniyatiga ega. 2022—2023-yilgi mavsumning yarmini Spezia jamosida ijara asosida oʻtkazgan Shomurodov, jamoa tarkibida 16 bora maydonga tushib 1 ta gol va 2 ta golli uzatmaga mualliflik qilgan. Eldor Rim jamoasi bilan amaldagi shartnomasi 2026-yilgacha imzolangan. Internet saytlari hozirgi kunda transfer bozorida, Shomurodovning transfer qiymatini 6 million yevroga baholashmoqda.
Terma jamoadagi faoliyati
Eldor Shomurodov Oʻzbekiston yoshlar terma jamoasi safida bir nechta uchrashuvlarni oʻtkazdi. 2016-yilgacha Eldor Oʻzbekiston yoshlar jamoasida oʻynagan. 2015-yildan boshlab Shomurodov Oʻzbekiston milliy terma jamoasiga jalb etila boshladi. Shomurodov milliy terma jamoadagi debyut uchrashuvini 2015-yil 3-sentyabr kuni Jahon chempionati-2018 saralash turniri doirasidagi Yaman terma jamoasiga qarshi oʻyinda oʻtkazgan. Keyinchalik, Shomurodov doimiy tarzda terma jamoaga jalb qilina boshlandi va Oʻzbekiston terma jamoasining asosiy oʻyinchilaridan biriga aylandi.
2018-yil dekabr oyida Shomurodov Osiyo Kubogi-2019 uchun arizaga kiritildi. 9 yanvar kuni Ummonga qarshi guruh bosqichining birinchi oʻyinida, oʻyinning 86-daqiqasida gol urib, uchrashuvda gʻalaba toʻpini kiritdi (2:1). 13 yanvar kuni Turkmanistonga qarshi guruh bosqichining ikkinchi oʻyinida Oʻzbekiston — Turkmaniston oʻyinining 24 va 42-daqiqalarida ikkita gol urdi. Natijada, Oʻzbekiston milliy jamoasi turkmanlarni 4:0 hisobida magʻlub etdi. 17-yanvar kuni boʻlib oʻtgan guruh bosqichining uchinchi oʻyinida Oʻzbekiston Yaponiyaga 1:2 hisobida yutqazdi, 40-daqiqada jamoasining yagona goli Eldor tomonidan urildi. 1/8 finalda Oʻzbekiston milliy terma jamoasi Avstraliya terma jamoasiga penaltilar seriyasida yutqazdi, asosiy va qoʻshimcha vaqt 0:0 hisobida durang bilan tugadi.. 2023-yilda Markaziy Osiyo futbol assotsiatsiyasi kubogi doirasida Turkmaniston terma jamoasiga qarshi oʻyinda, Eldor Shomurodov asosiy tarkibda maydonga tushgan. Oʻyin davomida Eldor dubl qayd etishga muvaffaq boʻlgan. Kiritilgan ikki gol Shomurodovni Oʻzbekiston Futbol terma jamoasi tarixidagi eng yaxshi toʻpurarga aylantirgan. 28 yoshli hujumchi terma jamoa safida hozirga qadar 36 ta gol urishga erishgan. Eldor toʻpurarga aylanguniga qadar terma jamoa safida gol urish boʻyicha peshqadam, futbol boʻyicha Oʻzbekiston terma jmaosining sobiq oʻyinchisi va sardori Maksim Shatskixga tegishli boʻlib, u terma jamoa safida 34 marotaba raqiblar darvozasiga gol kiritishga muvaffaq boʻlgan.
Oʻyin uslubi
Oʻng oyoqli Shomurodov ham gol urishga, ham golli uzatma berishga qodir, hujum chizigʻida ajralib turishi mumkin boʻlgan birinchi raqamli hujumchi. Raqiblar bilan tezlikda kuchli tezlashuv va progressiyaga qodir, u birlashtiruvchi uchi sifatida ham mohir boʻla oladi. Jismoniy jihatdan kuchli, u boʻshliqlar va havodan ham hujum qila oladi, yaxshi dinamizmga ega va havoda oʻynashda mahoratlidir. U yarim himoyachilar va hujumkor yarim himoyachilar bilan bogʻlanish uchun orqa chiziqda birlashadigan jamoa uchun koʻp ishlaydi. U oʻyinni qanday oʻzgartirishni biladi va toʻplar orqali oʻtishni, raqib himoyasi ortidan zarba berishni yaxshi biladi. Shuningdek, u tezkor qadamlari va toʻpni yon chiziqdan voleybolchilardek otish kuchi bilan ajralib turadi. Yaxshi texnika bilan jihozlangan, u toʻpni himoya qilishda va oldinga siljishda mahoratli va ochiq maydonda xavfli boʻlishi mumkin.
U boʻy tarafidan 20 sm farqiga qaramay „Oʻzbek Messi“ laqabini oldi.[32]
Yutuqlari
Klublar ishtirokida
Mashʼal
— Oʻzbekiston PFL kubogi sohibi: 2014-yil
Bunyodkor — Oʻzbekiston chempionatining kumush medal sohibi: 2016-yil
— Oʻzbekiston kubogi finalchisi: 2015-yil;
Roma — UEFA Konferensiyalar Kubogi sohibi: 2022-yil
Shaxsiy
— Oʻzbekistonda yilning eng yaxshi futbolchisi : (2) 2019, 2021-yil
— Rossiya chempionatining eng yaxshi 33 nafar futbolchilari roʻyxatiga kiritilgan: 2019/20 (№ 3)
Faoliyat statistikasi
Klub
2022-yil 9-noyabr oʻtkazilgan oʻyin holatiga koʻra[35]
Milliy terma jamoa
2022-yil 20-noyabrda oʻtkazilgan oʻyin holatiga koʻra[36]
Gollar va natijalar roʻyxatida birinchi boʻlib Oʻzbekistonning gollar soni koʻrsatiladi, gollar ustuni Shomurodovning har bir golidan keyin ochkoni koʻrsatadi.[36][37]
Shaxsiy hayot
Otasi Azamat Shomurodov Oʻzbekiston chempionatining quyi ligalari jamoalarida oʻynagan, uning 1991-yilda tugʻilgan akasi Sanjar Shomurodov ham futbol oʻynagan, hozirda Surxondaryo futbol asotsiatsiyasining vitse-prezidendi lovozimida faoliyat yuritadi. Eldor Shomurodovning amakisi Ilhom Shomurodov ham Oʻzbekistonda mashxur hujumchi boʻlgan.
Manbalar
Havolalar
uz.wikipedia.org