ELBARSXON

ELBARSXON (?-1516) Xorazmdagi Shayboniylar sulolasi asoschisi (1511 — 16). Burka sultonning o’g’li. Eronlik bosqinchilarga qarshi kurash olib borayotgan vazir shahri aholisi tomonidan Dashti Qipchoqdan taklif etilib taxtga o’tkazilgan. Elbarsxon Dashti Qipchoqdan chaqirtirilgan qarindosh urug’larining harbiy lashkarlari yordamida Urganch, Xiva, Hazorasp va Katdan eroniy qo’shinlarni quvib chiqargan. Bolxon va Mang’ishloqdagi turkman qabilalarini tobe etgan. Elbarsxon davlati bir necha qismga taqsimlanib, ularning tepasida o’zaro nizoda bo’lgan xon qarindoshlari turgan.

Manba

O'zbekiston Milliy Ensiklopediyasi