Ekspomarkaz

Ekspomarkaz — xalqaro ishtirokchilar bilan hamkorlikda ekspozitsiyalar (koʻrgazmalar) tashkil etish va oʻtkazish boʻyicha markaz. 1958-yildan boshlab umumjahon koʻrgazmalari "EKSPO" nomi bilan oʻtkaziladi. Bunday markaz (koʻrgazma) Oʻzbekistonda xalq xoʻjaligi yutuqlari koʻrgazmasi shaklida 1964-yil oktda ochilgan. "Oʻzekspomarkaz" (savdo koʻrgazma markazi) Oʻzbekiston Respublikasi Vazirlar Mahkamasining qaroriga binoan, sobiq Oʻzbekiston SSR Xalq xoʻjaligi yutuklari koʻrgazmasi asosida 1992-yilda tashkil etilgan (yana qarang Koʻrgazma, Yarmarka).

uz.wikipedia.org