Ekotip
Ekotip , ekologik tip — muayyan ekologik sharoitga moslashgan. bir turga mansub oʻsimliklardagi bir xil populyatsiyalar majmui; shu sharoitda irsiy morfologik, fiziologik, biokimyoviy va boshqalar xususiyatlar vujudga keladi. "E." terminini fanga shved olimi G.Turesson kiritgan (1920). E.ning 3 turi bor: iqlimiy yoki geografik E. — tur yashash arealining alohida qismini ishgʻol qiladi; ular maʼlum iqlim sharoiti taʼsirida shakllangan, mas, janubiy E. shimoldagisidan past boʻyliligi, qisqa, ingichka va dagʻal bargi hamda ustida mumsimon qavat boʻlishi bilan farq qiladi; edafik E. — tuproq taʼsirida hosil boʻladi; mas, Piskom daryosi havzasida oʻsgan piskom piyozi alohida tur sifatida tavsiflangan; biotik yoki senotik E. — tur atrofidagi maʼlum oʻsimliklar qoplami taʼsirida vujudga keladi va rivojlanadi; mas, oqsoʻxtaning oʻtloq va oʻrmondagi ekotipi.
E. turlarning kelib chiqishi jarayonidagi bosqichlardan biri. U uzoq davom etgan tarixiy jarayonda paydo boʻladi.
uz.wikipedia.org
Sun'iy intellekt javobi:
Ekotip — bu bir xil tur ichidagi organizmlarning ma'lum bir geografik hududga moslashgan, genetik xususiyatlari va tashqi ko‘rinish jihatidan o‘ziga xos grupasi. Ekotiplar tur ichidagi mayda farqlanishlarni ifodalaydi va asosan tabiiy tanlanish jarayonlari natijasida shakllanadi.
Masalan, bitta o‘simlik turi turli hududlarda yashasa, har bir hududdagi o‘simliklar o‘sha muhit sharoitlariga moslashib, biroz boshqacha ko‘rinish va genetik tuzilishga ega bo‘lishi mumkin. Shu holatda, bu o‘simliklarning har bir guruhi ekotip hisoblanadi.
Ekotiplarni o‘rganish ekologiya, evolyutsiya biologiyasi va qishloq xo‘jaligida muhim ahamiyatga ega, chunki ular tabiatdagi biologik xilma-xillikni va turlarning moslashuvchanligini tushunishga yordam beradi. Bundan tashqari, ekotiplarni o‘rgangan holda, turli tabiiy sharoitlarga mos keluvchi ekotiplar tanlab olinib, qishloq xo‘jaligidagi mahsuldorlik va chidamlilikni oshirish mumkin.