ECHMIADZIN
ECHMIADZIN (1945 yilgacha Vagarshapat) — Armanistondagi shahar, Ararat tekisligida, Echmiadzin temir yo’l stantsiyasidan 15 kilometr, Yerevandan 20 kilometr. Aholisi 60,5 ming kishi (1998). Shahar miloddan avvalgi 2-asrdan Vardkesavan nomi bilan ma’lum. 2-asrning 2-yarmi — 4-asrlarda Armanistonning poytaxti. Mashinasozlik, kimyo (plastmassa zavodi), oziq-ovqat (vino kombinati, konserva zavodi) sanoatlari mavjud. O’lkashunoslik muzeyi, Armaniston davlat kartinalar galereyasining filiali, arman shoiri I.M.Ioannisyan uymuzeyi va boshqalar muzeylar bor. Me’moriy va tarixiy yodgorliklardan Sobor (303 yil, 5 va 7-asrlarda qayta qurilgan) va uning qo’ng’iroqxonasi (17-asr), cherkovlar saqlangan. Echmiadzin yonida armangrigorian cherkovi markazi hamda katolikos rezidentsiyasi joylashgan. Monastir majmuasida mehmonxona (18-asr), katolikos uyi (18-asrning 1-yarmi), maktab (1813), tosh hovuz (1846) va boshqalar bor. Echmiadzin yonida Zvartnos ibodatxonasi xarobalari (641-661) mavjud. Sobor ichida o’rta asr dekorativ san’atining noyob kollektsiyasi asarlari namoyish etilgan muzey bor. Turizm rivojlangan.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz