Ebonit
Ebonit (yun. yeepoa — qora daraxt), qattiq rezina — tabiiy yoki sun’iy kauchukni oltingugurt (kauchuk massasiga nisbatan 30—50%) bilan vulkanizatsiyalashdan hosil bo‘lgan mahsulot. E.da bog‘langan oltingugurt 32% ga yaqin, formulasi (S6N95)2. E. qo‘ng‘ir yoki qora tusli; zichligi 1140 kg/m3, mexanik ishlovga oson beriladi, gigroskopik emas, gazlarni singdirmaydi, kislota va ishqorlar ta’siriga chidamli, uglerod sulfid va neft mahsulotlarida erimaydi, parafinda 300° dan yuqori temperaturada eriydi. 70— 80° da yumshaydi, soviganda yana qattiqlashadi, 200° dan yuqori t-rada erimay ko‘mirga aylanadi.
E. tayyorlash uchun nihoyatda toza kauchuk ishlatiladi. To‘ldirgich sifatida E. kukuni, talk, pemza, oq qurum va boshqalar ishlatiladi. Qora tusli E.ga oz miqdorda (3—5%) qurum qo‘shiladi. E., asosan, elektrotexnika mahsulotlari, kislota va ishqorlar uchun idishlar tayyorlashda qo‘llanadi.
Manba
O'zME
tabiiy yoki sun’iy kauchukni oltingugurt bilan vulkanizatsiyalashdan hosil bo‘lgan mahsulot