Eamonn Brophy
Eamonn Brophy (1996-yil 10-martda tugʻilgan) — Shotlandiyalik professional futbolchi, Sent-Mirren jamoasida hujumchi sifatida oʻynaydi.
Brophy avvalroq Celtic, Hibernian, Hamilton Akademik, Queenʼs Park, Dumbarton va Kilmarnock klublarida oʻynagan va 2019-yilda Shotlandiya terma jamoasi safida debyut qilgan.
Klubdagi faoliyati
Brophy Celtic va Hibernian yoshlar maktabida tahsil olgan, lekin ikkalasi ham oʻsha paytda uni juda kuchsiz deb hisoblashgan. U 2012-yil iyul oyida Hamilton Academical bilan professional shartnoma imzolagan. U 2013-yilning 9-aprelida asosiy tarkibdagi debyutini oʻtkazgan va bu oʻyinda gol muallifiga aylangan.
2014-yilning 6-martida Brophy Shotlandiyaning 2-liga klubi Queenʼs Park bilan 2013-14-yilgi mavsum oxirigacha ijara shartnomasi imzolagan. U klubdagi debyutini 2014-yilning 8-martida Clydega qarshi oʻyinda (3:1) amalga oshirgan.
U 2015-yil sentyabrida Shotlandiya chempionatining " Dumbarton " jamoasiga ijara asosida qoʻshilgan.
2017-yilning 18-avgustida Brophy Kilmarnock bilan uch yillik shartnoma imzolagan. 2018-19-yilgi mavsumning soʻnggi kunida Brophyning 89-daqiqada penaltidan tepishi natijasida Kilmarnock „ Rangers“ ni 2:1 hisobida magʻlub etib, 2019-20-yilgi UEFA Yevropa Ligasi yoʻllanmasini qoʻlga kiritgan. Bu klubning 2001-yildan beri ilk bor Yevropa musobaqalariga yoʻllanma olishi edi.
Brophy 2021-yilning yanvarida Sent- Mirren bilan yozda transfer qilish uchun shartnoma oldidan shartnoma imzolagan. Brophy 2020-21 – yilgi mavsumning qolgan qismida Sent-Mirrenga ijaraga berilgan.
Xalqaro faoliyati
Brophy 19 yoshgacha boʻlganlar darajasida Shotlandiya terma jamoasida oʻynagan. U birinchi marta 2016-yil oktyabr oyida Slovakiyaga qarshi oʻrtoqlik oʻyini uchun 21 yoshgacha boʻlganlar terma jamoasiga tanlangan. 2016-yil 9-noyabrda Shotlandiya 4:0 hisobida magʻlub boʻlganida debyut qilgan.
U Shotlandiya kattalar terma jamoasiga ilk bor 2019-yilning may oyida UEFA Yevro-2020 saralash oʻyinlarida chaqiruv olgan. U kattalar safida debyutini 2019-yil 8-iyun kuni Hampden Parkda Kiprga qarshi oʻyinda (2:1) oʻtkazgan.
Faoliyat statistikasi
Manbalar
uz.wikipedia.org