DYOR

DYOR — Venfiyaning shimoliy g’arbidagi shahar, Raba daryosi bo’yida, Dyorshopre medesining ma’muriy markazi. Aholisi 127,4 ming kishi (1997). Muhim temir yo’l tuguni, daryo porti. Budapesht va Mishkolsdan keyin 3-o’rindagi sanoat markazi. Asosiy sanoat tarmog’i — mashinasozlik (vagonsozlik va stanoksozlik). To’qimachilik, oziq-ovqat, kimyo sanoati korxonalari bor. Lok, bo’sq, sun’iy charm, mebel, qurilish materiallari ham ishlab chiqariladi. Pedagogika instituti, teatr, muzey va boshqalar bor. O’rta asrlarga oid me’moriy yodgorliklar saqlangan.

Manba

O'zbekiston Milliy Ensiklopediyasi